રાજસ્થાન પરિવહનની બસમાંથી ગુજરાતમાં ઘૂસાડાતો દારૂ પકડાયો

અલ્કેશ રાવ/બનાસકાંઠા :કોણ છે કે ગુજરાતમાં દારૂબંધી છે. ગુજરાતમાં માંગો ત્યાં અને માંગો ત્યારે દારૂ મળે છે. લોકો ખુલ્લેઆમ દારૂ પીએ છે, અને ખુલ્લેઆમ દારૂ વેચાય છે. જેના પુરાવા પણ અનેકવાર મળતા હોય છે. ગુજરાતમાં રોજ ક્યાંકને ક્યાંક દારૂ પકડાતો હોય છે. ગુજરાતમાં દારૂ ઘૂસાડતા ખાનગી વાહનો તો અનેકવાર પકડાય છે, પણ આજે સરકારી બસમાંથી દારૂ પકડાયો છે. બનાસકાંઠામાં રાજસ્થાન પરિવહનની બસમાંથી વિદેશી દારૂ પકડાયો છે. 

બનાસકાંઠામાં અમીરગઢ પોલીસે રાજસ્થાન પરિવહનની બસમાંથી વિદેશી દારૂ ઝડપ્યો છે. જોધપુરથી અમદાવાદ તરફ આવતી બસમાં વિદેશી દારૂ છુપાવીને લાવવામાં આવી રહ્યો હતો. જેને અમીરગઢ પોલીસે પકડી પાડ્યો છે. પોલીસે આ મામલે બસ ચાલક અકબરખાનની ધરપકડ કરી છે, અને તેની પાસેથી દારૂ, બસ, મોબઈલ સહિત કુલ 7,14,300નો મુદ્દામાલ જપ્ત કર્યો છે.

અમૂલ દૂધની વાનમાંથી દારૂ પકડાયો
એક તરફ સરકારી બસ, તો બીજી તરફ અમૂલ દૂધની વાનમાંથી દારૂનો જથ્થો પકડાયો છે. આજે ડીસા પાસેથી અમુલ દૂધની વાનમાંથી 7 લાખ રૂપિયાનો વિદેશી દારૂ ઝડપી પાડ્યો છે.