Gujarat Gram Panchayat Eelection 2025 : ગુજરાતમાં સરપંચનો રણસંગ્રામ, અરવલ્લીમાં સરપંચના ઉમેદવાર પર હુમલો

Gram Panchayat Eelection 2025 : ગુજરાતની ગ્રામ પંચાયતોમાં વહેલી સવારથી જ ઉત્સાભેર મતદાન....સરપંચ અને વોર્ડના સભ્યોની ચૂંટણી માટે મતદારો કરી રહ્યા છે પોતાના મત્તાધિકારનો ઉપયોગ...3,656 સરપંચો અને 16,224 સભ્યો માટે મતદાન...

Gram Panchayat Eelection 2025 : રાજ્યભરમાં આજે સરપંચનો રણસંગ્રામ જોવા મળ્યો છે. ગ્રામપંચાયતની ચૂંટણી માટે મતદાન ચાલુ થઈ ગયું છે. વહેલી સવારથી જ મતદારો મતદાન માટે ઉમટી પડ્યા છે. 3 હજારથી વધુ ગ્રામ પંચાયતોમાં મતદાન ચાલી રહ્યું છે. સરપંચ અને વોર્ડના સભ્યો માટે મતદાન થઈ રહ્યું છે. ગ્રામ્ય વિસ્તારમાં મતદાન માટે મતદારોનો ઉત્સાહ અનેરો છે. ચુસ્ત પોલીસ બંદોબસ્ત વચ્ચે મતદાન થઈ રહ્યું છે. 

આજે રાજ્યભરમાં ગ્રામ પંચાયતોની ચૂંટણી ચાલી રહી છે. સવારે 7થી સાંજના 6 વાગ્યા સુધી મતદાન થશે. રાજ્યની 3,541 ગ્રામ પંચાયતોમાં સામાન્ય ચૂંટણી છે. 353 ગ્રામ પંચાયતોની પેટાચૂંટણી યોજાશે. 3,656 સરપંચ, 16,224 સભ્યોની બેઠક માટે ચૂંટણી થઈ રહી છે. રાજ્યના 81 લાખ મતદારો મતાધિકારનો ઉપયોગ કરશે. રાજ્યભરમાં 3,939 સંવેદનશીલ મતદાન કેન્દ્રો છે. રાજ્યમાં 10,479 મતદાન મથકો પર મતદાન કરશે. 336 અતિ સંવેદનશીલ મતદાન મથકોનો સમાવેશ થાય છે. મતદાન મથકો પર ગોઠવાયો વધારાનો પોલીસ બંદોબસ્ત ગોઠવાયો છે. 

22 June 2025

22 June 2025 12:25 PM

Gram Panchayat Eelection Voting Updates : અરવલ્લીમાં સરપંચના ઉમેદવાર પર હુમલો

અરવલ્લીમાં સરપંચના ઉમેદવાર પર હુમલાનો બનાવ બન્યો છે. ગ્રામ પંચાયતના મતદાન વચ્ચે સરપંચના ઉમેદવાર પર હુમલો થયો. વણીયાદ ગામમાં ઉમેદવાર સૌરભ ત્રિવેદી પર ઘાતક હુમલો થયો. ઉમેદવારની કાર પર પથ્થરમારો કરાયો. ઘાતક હુમલો કરતાં સારવાર માટે ખસેડાયા છે. 12 જેટલા અસામાજિક તત્વો પર હુમલો કર્યાનો આરોપ તેમણે લગાવ્યો છે. આ ઘટના અંગે ટીંટોઇ પોલીસને જાણ કરાઇ

22 June 2025 12:11 PM

Gram Panchayat Eelection Voting Updates : પોલીસે અસલી ફરજ નિભાવી 

બોટાદ જિલ્લાની ગ્રામ પંચાયતની ચૂંટણીનો જામ્યો માહોલ છે. આ વચ્ચે ચૂંટણીમાં ફરજ બજાવતા પોલીસ કારીઓની માનવતા જોવા મળી. ગઢડા તાલુકાના ભીમડાદ ગામેં ચૂંટણીમાં ફરજ બજાવતા પોલીસ કર્મીઓની ફરજ સાથે માનવતા સામે આવી. સિનિયર સિટીઝનોને પોલીસ કર્મીઓ દ્વારા મતદાન મથક સુધી પહોંચાડવા મદદ કરતા જોવા મળ્યા. પોલીસ કર્મીઓની આ કામગીરી સિનિયર સિટીઝનો બિરદાવી રહ્યા છે

22 June 2025 12:10 PM

Gram Panchayat Eelection Voting Updates : કચ્છમાં મહિલાઓ મતદાન કરવી ઉમટી

કચ્છના ગામડાઓમાં મહિલાઓ પણ ચૂંટણી માટે મતદાન કરવા મોટી સંખ્યામાં નીકળી પડી છે. લખપતના નાની વિરાણીમાં મતદાન કરવા સમાજની મહિલાઓ ઉમટી. લોકઉત્સવ સમી આ ચૂંટણી ગ્રામીણ વિસ્તારોમાં પંચાયતનું મહત્વ દર્શાવી જાય છે.

22 June 2025 12:09 PM

Gram Panchayat Eelection Voting Updates : પંચમહાલ સાંસદ રાજપાલસિંહ જાદવે કર્યું મતદાન

પોતાના વતન કરોલી પ્રાથમિક શાળા ખાતે સાંસદ રાજપાલસિંહ જાદવે પરિવાર સાથે મતદાન કર્યું. કરોલી ખાતે ગ્રામ પંચાયતના સરપંચ અને વોર્ડના સભ્યો માટે મતદાન પ્રક્રિયા ચાલી રહી છે. સ્થાનિક સ્વરાજ્યની ચૂંટણીમાં મતદારોને વધુમાં વધુ મતદાન કરવા તેમણે અપીલ કરી. સમરસ ગ્રામ પંચાયતોને પણ સાંસદ રાજપાલસિંહ જાદવે શુભેચ્છાઓ આપી. 

22 June 2025 10:15 AM

Gram Panchayat Eelection Voting Updates : નવસારીના નાગરિકો મતદાન કરવા નીકળ્યા 

નવસારી જિલ્લામાં આજે વહેલી સવારથી ગ્રામ પંચાયતની ચુંટણીમાં મતદારો ઉત્સાહ સાથે મતાધિકારનો ઉપયોગ કરવા પહોંચી રહ્યા છે. જિલ્લામાં 45 ગ્રામ પંચાયતોમાં યોજાઈ રહેલી સામાન્ય ચુંટણીમાં 1.08 લાખ મતદારો 126 સરપંચ અને 433 સભ્યો માટે મતદાન કરશે. જ્યારે 26441 મતદારો 14 ગ્રામ પંચાયતોની પેટા ચુંટણીમાં 19 સરપંચ અને 33 સભ્યોની પસંદગી કરશે. જિલ્લામાં કુલ 161 મતદાન મથકો છે. જેમાં 15 સંવેદનશીલ અને વાંસદા તાલુકાનું 1 મતદાન મથક અતિસંવેદનશીલની શ્રેણીમાં મૂકવામાં આવ્યું છે. હાલ તો જિલ્લામાં વરસતા વરસાદ વચ્ચે મતદારો મતદાન મથકોએ મતદાન માટે પહોંચી રહ્યા છે. પરંતુ મોબાઈલ મતદાન મથકમાં ન લઈ જવા મુદ્દે લોકોમાં થોડો રોષ પણ છે. કારણ કે, મોબાઈલ મતદાન મથક બહાર રાખવાની કોઈ વ્યવસ્થા કરવામાં આવી નથી. જેથી મોબાઈલ રાખવા માટે ચુંટણી વિભાગ દ્વારા વ્યવસ્થા કરવામાં આવે એવી લાગણી પણ વ્યક્ત કરવામાં આવી રહી છે. જોકે નવસારીના ગણદેવી તાલુકાના અમલસાડ ગામે 6 હાજરથી વધુ મતદારો છે. જેમાં પ્રથમ વખત મતદાન કરવા આવેલી ધ્રુવીએ પ્રથમ પોતાના ગામના જ સરપંચને ચુંટી ગ્રામ સરકાર બનાવવા પોતાના મતાધિકારનો ઉપયોગ કર્યાની ખુશી વ્યક્ત કરી હતી. જ્યારે 101 વર્ષના શાંતાબેન નાયકે પણ નાદુરસ્ત તબિયત અને ચલાવાની અસમર્થતા વચ્ચે પણ ગામના વિકાસને ધ્યાને રાખી પોતાનો કિંમતી મત આપ્યો હતો

22 June 2025 09:45 AM

Gram Panchayat Eelection Voting Updates : વરસાદ વચ્ચે પણ લોકોનો મતદાન માટે ઉત્સાહ

મહીસાગર જિલ્લાની 6 તાલુકાના 253 બુથ પર વહેલી સવારથી જ મતદાન પ્રક્રિયા શરૂ થઈ છે. લુણાવાડા તાલુકાની ભમરા, મધવાસ, ગ્રામ પંચાયતની ચૂંટણીનું મતદાનમાં લાંબી લાઈનો લાગી છે. ઝરમર ઝરમર વરસાદી માહોલમાં લોકો પોતાનો કિંમતી મત આપવા માટે મોટી સંખ્યામાં મહિલાઓ બુથ પર પહોંચી છે. મહીસાગર જિલ્લાની 94 બેઠક પર સરપંચ પદ માટે વહેલી સવાર થી જ ચૂંટણી પ્રક્રિયા યોજાઈ છે. વહેલી સવારથી જ વૃદ્ધો તેમજ દિવ્યાંગો પોતાના મતાધિકારનો ઉપયોગ કરવા બુથ પર પહોંચ્યા છે. પોલીસના ચુસ્ત બંદોબસ્ત વચ્ચે વહેલી સવાર થી જ મતદાન પ્રક્રિયા શરૂ થઈ છે. 

22 June 2025 09:43 AM

Gram Panchayat Eelection Voting Updates : અમરેલીમાં મતદાન માટે સુરત-અમદાવાદથી આવ્યા મતદારો 

અમરેલી જિલ્લામાં સ્થાનિક સ્વરાજની ગ્રામ પંચાયતની ચૂંટણીનું મતદાન શરૂ થઈ ગયું છે. જિલ્લામાં 114 ગ્રામ પંચાયતોની ચૂંટણીમાં 28 ગ્રામ પંચાયત સમરસ થઈ. જિલ્લામાં 86 ગ્રામ પંચાયતોની યોજાઇ રહી છે ચૂંટણી. વહેલી સવારથી જ મતદારોની લાંબી કતાર લાગી છે.ખાસ કરીને મહિલાઓની સંખ્યા વધુ પ્રમાણમાં જોવા મળે છે.સાવરકુંડલા તાલુકાના થોરડી ગામમાં ગ્રામ પંચાયત સૌથી મોટી છે. આજે સુરત, અમદાવાદથી પણ મોટી સંખ્યામાં ગામડામાં મતદારો ઉમટી પડ્યા. સ્થાનિક નેતાને ચૂંટવા માટે મતદારોમાં જોવા મળી રહ્યો છે ઉત્સાહ. 

22 June 2025 09:33 AM

Gram Panchayat Eelection Voting Updates : જેતપુરમાં ઝરમર વરસાદ વચ્ચે પણ મતદારો પહોંચ્યા 

જેતપુર તાલુકાની 6 ગ્રામ પંચાયતની ચૂંટણીનું મતદાન શરૂ થયું. ચાંપરાજપુર અને સેલુકા ગામમાં સરપંચ અને વોર્ડના સભ્ય પદ માટે ચૂંટણી યોજાઈ રહી છે. નવી સાંકળી ગામ માટે માત્ર સરપંચ પદની ચૂંટણી થઈ રહી છે. તો થાણાગલોલ, મોણપર, પીઠડીયા, રેસમડીગાલોલ ગામ માટે વોર્ડના સભ્ય પદની ચૂંટણી થઈ રહી છે. 11 મતદાન મથકો ઉપર 7 વાગ્યાથી મતદાન શરૂ થઈ ગયું છે. સવારથી જ મતદાન મથક પર મતદારોમાં મતદાન કરવા ઉત્સાહ જોવા મળ્યો છે. ઝરમર વરસાદ વચ્ચે પણ મતદારોમાં ઉત્સાહ અદમ્ય છે. પોલીસના ચુસ્ત બંદોબસ્ત વચ્ચે શાંતિ પૂર્ણ માહોલમાં મતદાન થઈ રહ્યું છે.