વિપક્ષ નેતા પરેશ ધાનાણીએ કર્યો ટ્રાફિકના નિયમનો ભંગ, હેલ્મેટ વગર બાઇક ચલાવતો વીડિયો વાયરલ

પરેશ ધાનાણીનો આ વીડિયો વાયરલ થયા બાદ અનેક સવાલો ઉભા થઈ રહ્યાં છે.

અમદાવાદઃ વિધાનસભામાં વિરોધપક્ષના નેતા પરેશ ધાનાણીનો બાઇક ચલાવતો એક વીડિયો વાયરલ થયો છે. ત્યારે આ વીડિયોને લઈને અનેક સવાલ ઉભા થઈ રહ્યાં છે. પરેશ ધાનાણી આ વીડિયોમાં હેલ્મેટ પહેર્યા વગર બાઇક ચલાવતા નજરે પડી રહ્યાં છે. ત્યારે પરેશ ધાનાણીએ ખુલ્લેઆમ કાયદાનો ભંગ કર્યો છે. શું વિરોધપક્ષના નેતાને હેલમેન પહેરવાનું ફરજીયાત નથી. માત્ર સામાન્ય જનતા માટે જ કાયદો લાગું પડે છે. પરેશ ધાનાણીની પાછળ એક વ્યક્તિ બાઇકની પાછળ બેઠો છે ત્યારે તે ચાલુ બાઇક પર વીડિયો ઉતારી રહ્યાં છે. ત્યારે હાલનો આ વીડિયોને લઈને સવાલો ઉઠી રહ્યાં છે. પ્રજાના પ્રતિનિધિ હોવાને કારણે તેમણે કાયદાનું પાલન કરવું જોઈએ અને પ્રજામાં એક દાખલો બેસાડવો જોઈએ ત્યારે આ વીડિયોમાં પરેશ ધાનાણી ખુલ્લેઆમ ટ્રાફિકના નિયમોનું ઉલ્લંઘન કરી રહ્યાં છે.