ગુજરાતની હોસ્પિટલની ઊઘાડી લૂંટ! 9 ટાંકાનું બિલ 1.61 લાખ, એક ટાંકો 23,000 હજારમાં પડ્યો

Rajkot Wockhardt Hospital Controversy : રાજકોટની વોક હાર્ટ હોસ્પિટલે મેડિક્લેમ ધરાવતા બાળકને એડમિટ કરીને 1.61 લાખ રૂપિયાની ચલાવી લૂંટ,,, મસમોટો ખર્ચ જોઈને બાળકના દાદાએ કાનૂની કાર્યવાહીનો કર્યો નિર્ણય..બાળકની ઈમરજન્સીમાં સારવાર થયાનું કહી હૉસ્પિટલે કર્યો લૂલો બચાવ...

Rajkot News : રાજકોટની વોકહાર્ટ હોસ્પિટલ આવી વિવાદમાં આવી છે. હેનિલ પટેલ નામના 9 વર્ષના બાળકને હાથમાં ટાંકા લઈ માત્ર 24 કલાક એડમિટ રાખી તોતિંગ બિલ પરિવારને પકડાવ્યું છે. મેડિક્લેઈમ હેઠળ સારવાર આપીને 24 કલાક બાદ બાળકને રજા અપાઈ હતી. જેમાં હાથમાં 7 ટાકાનું 1 લાખ 60 હજાર રૂપિયા બિલ હોસ્પિટલે પકડાવ્યું છે. એટલું જ નહિ, બાળક સાંજના સમયે એડમિટ થયું છતાં પણ સવારના સમયના ડોક્ટરની વિઝીટના ચાર્જીસ લગાવવામાં આવ્યા છે. હોસ્પિટલમાં દર્દીના સગા પાસે ડિપોઝીટ પેટે રૂપિયા 10 હજાર રોકડા પણ ભરાવ્યાં. ત્યારે બાળકના દાદા જગદીશભાઈ પટેલ વોકહાર્ટ હોસ્પિટલ સામે કાયદાકીય કાર્યવાહી કરશે. ...

ક્યાં ડોકટરનો કેટલો ચાર્જ લગાવ્યો ?
- ડોક્ટર હાર્દિક ધમાણિયાની ફી 61,120
- સર્જરી ચાર્જ 21,400 
- ડો.ભાવિક ભુવા ચાર્જ 11,000
- એસો.કો.સર્જન ચાર્જ 15,000
- ઇમરજન્સી સર્જરી ચાર્જ 3,210
- ઇમરજન્સી સર્જન ચાર્જ 9168
- ઇમરજન્સી એનેસ્થેસીયા ફી 1650 
- ઇમરજન્સી એસો.સર્જન ચાર્જ 2250
- ફાર્મસી ચાર્જ રૂપિયા 3044 
- કુલ બિલ રૂપિયા 1,60,910 ...

શું હતી સમગ્ર ઘટના ?
4 માર્ચના રોજ હેનિલ પટેલ નામનો સગીર તેની માતા સાથે એક્ટીવા પર જતો હતો, ત્યારે એક્ટિવા પરથી નીચે પડી ગયો હતો. હેનિલના જમણા હાથમાં ઈજા પહોંચી હતી. જેથી તેને સાંજે 7.35 કલાકે રાજકોટની વોકહાર્ટ હોસ્પિટલમાં દાખલ કરવામાં આવ્યો હતો. - મેડિકલેમના નિયમ પ્રમાણે, દર્દીને 24 કલાક દાખલ રહેવું પડે. જેથી 5 માર્ચે રાત્રે 10.40 વાગ્યે બાળકને ડિસ્ચાર્જ આપવામાં આવ્યું હતું. પરંતુ આ 24 કલાકના હોસ્પિટલને પટેલ પરિવારને 1 લાખ 61 હજારનું બિલ પકડાવ્યું છે. ત્યારે સમગ્ર મામલે બાળકના દાદા જગદીશભાઈ પટેલે હોસ્પિટલે ચલાવેલી ઉઘાડી લૂંટનો વિરોધ કર્યો છે. 

તો સમગ્ર મામલે વિવાદ થતા વોક હાર્ટ હોસ્પિટલ દ્વારા ખુલાસો કરવામાં આવ્યો છે. હોસ્પિટલના સેન્ટર હેડ દુષ્યંત પટેલે કહ્યું કે, દર્દીને વોક હાર્ટ હોસ્પિટલમાં ઇમરજન્સીમાં દાખલ કરવા લઈ આવ્યા હતા. મોટો ચેંકો હતો અને ડસ્ટ પણ હોવાને કારણે ઇમરજન્સી સર્જરી કરવી પડી હતી. સારવાર આપી બીજા દિવસે જ રજા આપવામાં આવી હતી. રજા આપ્યા બાદ ડોક્ટરોને પણ બતાવવા માટે આવ્યા હતા.

ઈન્સ્યોરન્સ કંપનીના ડોક્યુમેન્ટ તૈયાર કરવામાં આવ્યા ત્યારે પણ વાલીઓએ સહમતી આપી હતી. તો બીજી તરફ, ડો.હાર્દિક ધમસાણીયાએ 61 હજારનો ચાર્જ શેનો લીધો તે જવાબ આપવામાં ગલ્લા તલ્લા કર્યા. સેન્ટર હેડ દુષ્યંત પટેલ જવાબ આપવામાં નિષ્ફળ રહ્યા. સેન્ટર હેડ ભાન ભૂલ્યા અને વોક હાર્ટ હોસ્પિટલને બદલે અન્ય હોસ્પિટલ કહી વખાણ કર્યા.