Patidar Agitation Violence: BJP નેતા હાર્દિક પટેલને મળી મોટી રાહત, જાણો કયા કેસમાં સુપ્રીમ કોર્ટે આપ્યા જામીન

Patidar Agitation Violence: પાટીદાર સમુદાયે તે સમયે અનામતની માંગણી ઉઠાવતા પાટીદાર આંદોલન થયું હતું. સુપ્રીમ કોર્ટે ફેબ્રુઆરી 2020માં તત્કાલિન કોંગ્રેસ નેતા હાર્દિક પટેલ (તે સમયે કોંગ્રેસના નેતા હતા)ને તે સમયે ધરપકડ સામે વચગાળાનું રક્ષણ આપ્યું હતું. 2015ના કેસમાં આગોતરા જામીનની અરજી ગુજરાત હાઈકોર્ટે ફગાવી દેતા હાર્દિક પટેલ સુપ્રીમ કોર્ટમાં ગયા હતા.

દેશની સર્વોચ્ચ કોર્ટે આજ ભાજપના નેતા હાર્દિક પટેલને 2015ના પાટીદાર આંદોલન  [Hardik Bharatbhai Patel vs State of Gujarat] સમયના રમખાણો, હિંસા અને આગજનીના કેસમાં જામીન આપ્યા છે. અગાઉ સુપ્રીમ કોર્ટની એએસ બોપન્ના અને હીમા કોહલીની બેન્ચે આ કેસમાં હાર્દિક પટેલને વચગાળાની રાહત આપી હતી. 

અત્રે જણાવવાનું કે પાટીદાર સમુદાયે તે સમયે અનામતની માંગણી ઉઠાવતા પાટીદાર આંદોલન થયું હતું. સુપ્રીમ કોર્ટે ફેબ્રુઆરી 2020માં તત્કાલિન કોંગ્રેસ નેતા હાર્દિક પટેલ (તે સમયે કોંગ્રેસના નેતા હતા)ને તે સમયે ધરપકડ સામે વચગાળાનું રક્ષણ આપ્યું હતું. 2015ના કેસમાં આગોતરા જામીનની અરજી ગુજરાત હાઈકોર્ટે ફગાવી દેતા હાર્દિક પટેલ સુપ્રીમ કોર્ટમાં ગયા હતા. તે અગાઉ મહેસાણાની નીચલી કોર્ટે તેમને આ કેસમાં દોષિત ઠેરવ્યા હતા અને બે વર્ષની સજા કરી હતી. 

ત્યારબાદ હાર્દિક પટેલે પોતાને થયેલી સજાને રદ્દ  કરાવવા માટે ગુજરાત હાઈકોર્ટના દ્વાર ખખડાવ્યા હતા. જેથી કરીને તેઓ 2019ની લોકસભા ચૂંટણી લડી શકે. જો કે તે વખતે હાઈકોર્ટે તેમની અરજી ફગાવી દીધી હતી. ત્યારબાદ તેઓ આ મામલે સુપ્રીમ કોર્ટમાં ગયા હતા અને ગત વર્ષે એપ્રિલમાં તેમની સજા પર સ્ટે આપ્યો હતો.