પોરબંદરના યાત્રાળુઓનો રાજસ્થાનમાં ગોઝારો અકસ્માત, 4ના મોત

પોરબંદર: પોરબંદરથી હરિદ્વારની યાત્રાએ નીકળેલા 6 યોત્રીઓને રજસ્થાનના પાલી જિલ્લા નજીક એક ટ્રેક અડફેટે લીધા હતા. આ ઘટનામાં 4 લોકોના મોત નિપજ્યા છે. જ્યારે અન્ય બે લોકો ગંભીર ઇજાગ્રસ્ત થયા છે. ઇજાગ્રસ્તોને સારવાર માટે તાત્કાલીક ધોરણે હોસ્પિટલ ખસેડવામાં આવ્યા હતા.

વધુમાં વાંચો: ગુજરાતના આ ગામના લોકો હોલીકા દહન સમયે બોલે છે અપશબ્દો, જાણો કેમ...

પ્રાપ્ત માહિતી અનુસાર, પોરબંદર જિલ્લાના 15 લોકોનું એક ગ્રુપ પોરબંદરથી હરિદ્વારની પદયાત્રાએ 6 માર્ચના રોજ નીકળ્યા હતા. ત્યારે રાજસ્થાનના પાલી જિલ્લાના સુમેરપુર નજીક એક ટ્રક ચાલકે સ્ટેરીંગ પરથી કાબુ ગુમાવતા રોડ સાઇડ ચાલતા 6 જેટલા પદયાત્રીઓને અડફેટે લીધા હતા. જેમાં ત્રણ લોકોનું ઘટનાસ્થળ પર મોત નિપજ્યું હતું.

જ્યારે એક વ્યક્તિનું સારવાર દરમિયાન મોત થયું હતું. અન્ય બે લોકો ગંભીર ઇજાગ્રસ્ત થયા હતા. આ ઇજાગ્રસ્તોને સારવાર માટે પહેલા રાજસ્થાન હોસ્પિટલ બાદ વધુ સારવાર માટે અમદાવાદ હોસ્પિટલે ખસેડવામાં આવ્યા છે. આ અકસ્માતમાં ધાનીબેન ભૂતિયા (ઉ.70), જાહીબેન મોઢવાડીયા (ઉ.55), લીરીબેન મોઢવાડીયા (ઉ.65) અને રાજાભાઇ મોઢવાડિયાનું મોત થયું છે. જ્યારે રાશીભાઇ અને કેસાભાઇ ગંભીર રીતે ઇજાગ્રસ્ત થયા છે.