સુરતમાં રેતીમાંથી સીઆર પાટિલનું તૈયાર કરાયું પોર્ટ્રેટ, કેરળ સમાજે આપી ભેટ, જાણો કોણે કર્યું તૈયાર?

C.R. Patil: સુરતની રેતીનો ઉપયોગ કરીને ભાજપ પ્રદેશ અધ્યક્ષ અને કેન્દ્રીય મંત્રી સી.આર. પાટીલનું એક સુંદર સેન્ડ પોટ્રેટ તૈયાર કર્યું છે, જે કલા અને સમર્પણનું ઉત્તમ ઉદાહરણ પૂરું પાડે છે.

પ્રશાંત ઢીવરે/સુરત: સુરત શહેરના અંબા નગર ખાતે કેન્દ્રીય જળ શક્તિ મંત્રી સી આર પાટિલના કાર્યાલય ખાતે કેરળના રાષ્ટ્રીય શિલ્પકાર દ્વારા સી આર પાટિલને પોટ્રેટ અર્પણ કરાયું છે. કેરળના રાષ્ટ્રીય પ્રસિદ્ધ શિલ્પકાર બાબુ એડક્કુ ની દ્વારા તૈયાર પોર્ટ્રેટ કરાયું છે.

રેતીમાંથી તૈયાર કરાયેલ પોર્ટ્રેટ સી આર પાટીલને ભેટ સ્વરૂપે અર્પણ કરાયું છે. ઓપરેશન સિંદૂરની સફળતા અને સિંધુ નદીના પાણી રોકવાના નિર્ણયની યાદમાં ભેટ આપી છે. અગાઉ શિલ્પકાર દ્વારા ભારતના અનેક મુખ્યપ્રધાનોના પોટ્રેટ તૈયાર કરાયા હતા. જે પોટ્રેટ બનાવી ભેટ સ્વરૂપે અર્પણ પણ કરાયા છે. 

અગાઉ શિલ્પકાર દ્વારા પીએમ મોદી, અમિત શાહ, એપીજે અબ્દુલ કલામ જેવા નેતા અને મહાન હસ્તીઓના પોર્ટ્રેટ બનાવાયા હતા. કેન્દ્રીય જળ શક્તિ મંત્રી સી આર પાટીલના જળશક્તિ મંત્રાલયમાં ઉચ્ચ યોગદાનને સન્માનિત કરવામાં આવ્યું છે.

આતંકવાદ સામેના સરકારના આંકડા વલણ અને ઓપરેશન સિંદૂરના મિશનને સફળતાપૂર્વક પાર પાડવા બદલ પ્રશંસા અને સન્માન વ્યક્ત કરાયું છે.