હવે ઘરમાં રહેતી ગૃહિણીઓ પણ નથી સલામત, વાપીનો ચોંકાવનારો કિસ્સો

જય પટેલ, વાપી : વાપી (Vapi)ના નામધા વિસ્તારમાં છેલ્લા કેટલાક સમયથી અસામાજિક તત્વોનો ત્રાસ વધી રહ્યો છે. અહીં અસામાજિક તત્વોની એક ગેંગ દ્વારા જાહેરમાં મહિલાઓ અને યુવતીઓની છેડતી કરીને બિભત્સ માંગ કરવામાં આવે છે. આ મામલામાં ફરિયાદી મહિલાના પરિવારજનોએ ઠપકો આપતા અસામાજિક તત્વોએ તેના પરિવારજનો પર પણ હુમલો કર્યો. જો કે હવે અસામાજિક તત્વો સામે ફરિયાદ દાખલ થતાં હવે બેફામ બનેલા આ અસામાજિક તત્વોને ઝડપી પાડવા પોલીસ દોડતી થઈ છે.

ઘટનાની વિગતો જોઈએ તો વાપીના છેવાડે આવેલા નામધા વિસ્તારમાં અસામાજિક તત્વોનો આતંક વધી રહ્યો છે. છેલ્લા કેટલાક સમયથી આ ગેંગ દ્વારા આ વિસ્તારની મહિલાઓ અને યુવતીઓને જાહેરમાં છેડતી કરવામાં આવે છે અને તેઓ બિભત્સ માંગ કરી આતંક ફેલાવી ફેલાવી રહ્યા છે. આ વિસ્તારની મહિલાઓ અને યુવતીઓમાં ભયનો માહોલ છે ત્યારે પોલીસ સમક્ષ આવા અસામાજીક તત્વોને સબક શીખવવામાં આવે તેવી લોકો માંગ કરી રહ્યા છે.

પોલીસે પણ અસામાજિક તત્વોની ગેંગના આ આતંકને  ગંભીરતાથી લઈ ઊંડાણપૂર્વક તપાસ હાથ ધરી છે. જોકે પરિસ્થિતિ પારખી ગયેલા આરોપીઓ ફરાર થઈ ગયા છે. આ સંજોગોમાં પોલીસે તેઓને તાત્કાલિક ઝડપવા માટે તમામ દિશામાં તપાસ તેજ કરી છે.