આવા ઠગબાજોથી ચેતજો! અમદાવાદમાં અમેરિકા રહેતા વ્યક્તિની જાણ બહાર વેંચી નાંખી પ્રોપર્ટી

ઉદય રંજન/અમદાવાદ: વાડજમાં ખોટા દસ્તાવેજો બનાવીને મિલકત પડાવવાનો પર્દાફાશ પોલીસે કર્યો છે. પોલીસે મુખ્ય સૂત્રધારની ધરપકડ કરી લીધી છે. આરોપીએ બનાવટી ડોક્યુમેન્ટ બનાવીને કરોડોની મિલકત પડાવવાનું કાવતરું રચ્યું હતું. કોણ છે આ ઠગ? પોલીસ કસ્ટડીમાં રહેલા આરોપીનું નામ ઈમરાન મેમણ છે. જેણે બનાવટી દસ્તાવેજોના આધારે કરોડોની મિલકતની 3 વખત વેચાણ કરીને કાવતરું રચ્યું. 

સમગ્ર મામલાની વાત કરીએ તો વાડજમાં હરિદાસ કોલોનીમાં આવેલા મકાનના આરોપીએ બોગસ ડોક્યુમેન્ટ બનાવીને વેચાણ કરાર કરી દીધું. આ મકાન ઉત્પલ અમીનનું હતુ. પરંતુ આ પરિવાર અમેરિકા સ્થાયી થયો હતો. ત્યારે ઈન્દ્રજીત રાવલ નામના વ્યક્તિને ભાડે રહેવા આવ્યો હતો. ઇન્દ્રજીત અને ઈમરાન મેમણ મિત્રો હતા, તેમણે આ મકાન પડાવવા માટે બનાવટી દસ્તાવેજો બનાવ્યા હતા. ઈન્દ્રજીતે આ મકાન ઈમરાનને વેચાણ કર્યુ. જ્યારે ઈમરાનને મનોજ શાહ નામના વ્યકિતને વેચાણ કર્યુ. આ પ્રકારે ખોટા વેચાણ કરાર બનાવીને મકાનને પડાવવાના કાવતરામાં પોલીસે ઈમરાનની ધરપકડ કરી તપાસ શરૂ કરી.

પકડાયેલ આરોપી ઈમરાન મેમણ છેતરપિંડીનો માસ્ટર માઈન્ડ હોવાનું તપાસમાં સામે આવ્યું છે. આ મકાન ઉપરાંત પણ તેની વિરુદ્ધ અનેક અરજી ઓ થઈ હોવાનું ખુલ્યુ છે. એટલું જ નહિ તેનો ભાગીદાર ઈન્દ્રજીત રાવલ નુ થોડા સમય પહેલા જ અવસાન થયુ છે. જ્યારે અન્ય આરોપી મનોજ શાહને લઈને પણ તપાસ શરૂ કરવામાં આવી છે. આ ત્રિપુટી એ મકાન પડાવવાના ષડયંત્રમાં અન્ય કેટલા લોકો સાથે ઠગાઈ કરી છે. આ ઉપરાંત અન્ય કોઈ વ્યકિત સંડોવાયેલા છે કે નહિ તે મુદ્દે તપાસ શરૂ કરી છે.

1956માં મિલકતના પ્રથમ માલિક ભોગીલાલ અને મોહનભાઈ હતા. તેમણે આ મકાન ઉત્પલના પિતા સુરેન્દ્રભાઈ અને કાકા વિનોદભાઈને વેચાણ કર્યુ હતું. પરંતુ તેમના અવસાન બાદ મકાનના માલિક તેમના પત્ની સુલોચનાબહેન બન્યા હતા. પરંતુ આ ત્રિપુટીએ પરિવાર અમેરિકા જતો રહેતા આ ષડયંત્ર આચરીને કૌભાંડ આચર્યું હોવાનું ખુલ્યુ છે. હાલમાં વાડજ પોલીસે આરોપીની ધરપકડ કરીને એક દિવસના રિમાન્ડ મેળવીને તપાસ શરૂ કરી.