મોરબીમાં સર્જાઇ વિચિત્ર ઘટના, ચાલુ બાઇકે આધેડ મોતને ભેટ્યો

હિમાંશુ ભટ્ટ/મોરબી: મોરબીના લાચી પ્લોટ વિસ્તારમાં એક બાઇક સવાર તેની પાછળ એક વ્યક્તિને બેસાડીને બાઇક લઇને જતો હતો, તે દરમિયાન જ પાછળ બેસેલા વ્યક્તિને ચાલુ બાઇકે હાર્ટ એટેક આવતા તેનું મોત થયું હતું. ચાલુ બાઇકે બનેલી આ ઘટના સીસીટીવીમાં કેદ થઇ હતી. મહત્વનું છે, કે આ બનાવા શનિવારે બપોરે બન્યો હતો. 

બાઇક લઇને આરામથી જઇ રહેલા બે વ્યક્તિઓમાંથી એક વ્યક્તિ અચાનક જ ચાલુ બાઇકે જમીન પર ઠળી પડે છે. યુવાન બાઇક પરથી પડી જતા લોકોનું ટોળું એકઠું થયું હતું. ટોળાએ તેમને સારવાર માટે હોસ્પિટલમાં ખસેડ્યા ત્યારે જાણ થઇ કે આ વ્યક્તિનું મોત હાર્ટએટેક આવવાને કારણે થયું છે.

મોરબીમાં આ પ્રકારની કિસ્સો સામે તેના સીસીટીવી ફૂટેજ સોશિયલ મીડિયામાં વાયરલ થઇ રહ્યા છે. બાઇક સાવર યુવકનું મોત થવાને કારણે તેના પરિવારમાં શોકનું મોજુ ફરી વળ્યું હતું. મહત્વનું છે, કે આ ઘટનાને શનિવારે બપોરે એક વાગ્યાની આસપાસ બની હતી.