Traffic Rules તોડતા ચેતજો, કોરોના બાદ ફરી ટ્રાફિક વિભાગે અમદાવાદમાં શરૂ કર્યા E-Memo

મૌલિક ધામેચા, અમદવાદ: અમદાવાદીઓ જો હવે ટ્રાફિકના નિયમ (Traffic Rules) નો ભંગ કરતા હોવતો ચેતી જજો, કારણ કે ટ્રાફિક પોલીસે (Police) ફરી એક વખત ઇ-મેમો (E-Memo) આપવાની શરૂઆત કરી દીધી છે. છેલ્લા એક મહિનાની વાત કરીએ તો એક મહિનામાં પોલીસે સ્ટોપ લાઈનભંગ કરતા 43 હજારથી વધુ લોકોને ઇ-મેમો ઇશ્યું કર્યા છે.

કોરોના (Coronavirus) ના કહેર દરમિયાન લોકો ટ્રાફિક નિયમન (Traffic Rules) ને લઈને જાણે કે બેદરકાર હોય તેવું લાગી રહ્યું છે. જો કે હવે આવા વાહન ચાલકો એ ચેતી જવાની જરૂર છે. જો તમે ટ્રાફિકના નિયમ (Traffic Rules) નો ભંગ કર્યો તો આપના ઘરે ઇ- મેમો (E Memo) આવી શકે છે. ટ્રાફિક વિભાગે  ફરી થી લોકોને પડતા પર પાટુ આપ્યું હોય તેમ  2જી મે થી ૨૮ મી મે સુધીમાં 43681 વાહન ચાલકો ને 2 કરોડ 83 લાખ 99 હજારની રકમના ઇ-મેમો આપ્યા છે.

જો કે હાલમાં મોટાભાગે સ્ટોપ લાઈન ક્રોસ કરતા લોકોના જ મેમો ઈશ્યું થઈ રહ્યા છે. પરંતુ પોલીસે રોંગ સાઈડ આવતા 85 વાહન ચાલકો ને 43 હજારની રકમના ઇ-મેમો (E Memo) આપ્યા છે. હાલમાં અમદાવાદ (Ahmedabad) શહેરમાં કુલ 27 જંક્શન પર ઇ-મેમો ઈશ્યું કરવાની કામગીરી કરવામાં આવી રહી છે. 

જો કે આ સિવાય પણ ટ્રાફિક પોલીસ દ્વારા ટ્રાફિક (Traffic) ના નિયમ નો ભંગ કરનાર પાસેથી સ્થળ દંડ પણ વસૂલવામાં આવી રહ્યો છે. અને આગામી દિવસો માં ટ્રાફિકના નિયમનું કડકપણે અમલ કરાવવામાં આવશે.