ગુજરાતમાં વધુ બે પરીક્ષા મોકૂફ, GPSC એ કરી જાહેરાત, હિસાબી અધિકારીની નવી એક્ઝામ ડેટ જાહેર

ગુજરાતમાં જીપીએસસીએ બે પરીક્ષા મોકૂફ રાખવાની જાહેરાત કરી છે. જ્યારે અગાઉ મોકુફ રાખવામાં આવેલી હિસાબી અધિકારીની પરીક્ષાની નવી તારીખ જાહેર કરી છે.

ગાંધીનગરઃ ગુજરાતમાં સરકારી નોકરી માટે લેવામાં આવતી વધુ એક પરીક્ષા મોકૂફ રાખવાની જાહેરાત કરવામાં આવી છે. ગુજરાત પબ્લિક સર્વિસ કમિશન દ્વારા લેવાનારી સાયન્ટિફિક ઓફિસર અને ફિઝિસ્ટની પરીક્ષા મોકૂફ રાખવામાં આવી છે. સાયન્ટિફિક ઓફિસરની પરીક્ષા 9 નવેમ્બરે યોજાવાની હતી, જ્યારે ફિઝિસ્ટની પરીક્ષા 26 નવેમ્બરે યોજાનારી હતી. વહીટટી કારણોસર પરીક્ષા મોકૂફ રાખવાનો નિર્ણય લેવાયો છે. 

જીપીએસસીએ આપી માહિતી
ગુજરાત પબ્લિક સર્વિસ કમિશન દ્વારા આપવામાં આવેલી માહિતી પ્રમાણે 9 નવેમ્બરે લેવાનારી  સાયન્ટિફિક ઓફિસરની અને 26 નવેમ્બરે યોજાનારી ફિઝિસ્ટની પરીક્ષા મોકૂફ રાખવામાં આવી છે. ગુજરાત પબ્લિક સર્વિસ કમિશને વહીવટી કારણોસર આ પરીક્ષા મોકૂફ રાખવાની જાહેરાત કરી છે. જીપીએસસી દ્વારા આગામી સમયમાં પરીક્ષાની નવી તારીખ જાહેર કરશે. 

GPSCએ સાયંટિફિક ઓફિસર અને ફિઝિસ્ટની પરીક્ષા વહીવટી કારણોસર મોકૂફ રાખી #Gujarat #BreakingNews #News pic.twitter.com/WarOj0eFGo

— Zee 24 Kalak (@Zee24Kalak) October 9, 2023

આ પરીક્ષા માટેની તારીખ જાહેર
તો ગુજરાત પબ્લિક સર્વિસ કમિશન દ્વારા અગાઉ મોકૂફ રાખવામાં આવેલી પરીક્ષાની સુચિત તારીખ જાહેર કરવામાં આવી છે. હિસાબી અધિકારીની સ્પર્ધાત્મક પરીક્ષા 1થી 4 નવેમ્બર દરમિયાન લેવામાં આવશે. તો 9 નવેમ્બરે અધિક્ષક અભિલેખાગારની પરીક્ષા પણ લેવાશે.