અમેરિકાએ તગેડી મૂકેલા ગેરકાયદેસર ભારતીયોની ત્રીજી ફ્લાઈટનુ લિસ્ટ આવી ગયું, ગુજરાતીઓનો આંકડો જાણી ચોંકી જશો

US Flight Carrying 3nd Batch Of Indian Immigrants : અમેરિકાથી ગેરકાયદેસર માઈગ્રન્ટ્સની ત્રીજી ફ્લાઈટ લેન્ડ થતા પહેલા તેનું લિસ્ટ આવી ગયું છે. આ ફ્લાઈટમાં મોટી સંખ્યામાં ગુજરાતીઓ છે... ત્રીજી ફ્લાઈટમાં 22 ગુજરાતીઓનું લિસ્ટ સામે આવ્યું છે

America Deports Illegal Immigrants : ડોનાલ્ડ ટ્રમ્પના રાષ્ટ્રપતિ બન્યા બાદ USAમાં ગેરકાયદે ઘૂસેલા ભારતીયોને ડિપોર્ટ કરાઈ રહ્યાં છે. છેલ્લા 24 કલાકમાં બે ફ્લાઈટ ગેરકાયદેસર ભારતીયોને લઈને ભારત આવી પહોંચી છે. હજી થોડા કલાક પહેલા જ બીજી ફ્લાઈટ આવી હતી, ત્યારે ત્રીજી ફ્લાઈટનું લિસ્ટ પણ આવી ગયું છે. ત્રીજી ફ્લાઈટમાં કુલ 157 ભારતીયોને પરત મોકલવામાં આવી રહ્યાં છે. આ ફ્લાઈટમાં 22 ગુજરાતીઓ સામેલ છે. 

કઈ ફ્લાઈટમાં કેટલા ગુજરાતીઓ આવ્યા

• પહેલી ફ્લાઈટ - 37 ગુજરાતી 
• બીજી ફ્લાઈટ - 8 ગુજરાતી
• ત્રીજી ફ્લાઈટ - 22 ગુજરાતી

બીજી ફ્લાઈટમાં 8 ગુજરાતી હતા 
આઠ ગુજરાતી સહિત 119 ગેરકાયદે ભારતીયોને અમેરિકાએ ડિપોર્ટ કરી દીધા છે. 119 ગેરકાયદે ગયેલા ભારતીયોને લઈ પ્લેન આજે અમૃતસર લેન્ડ થયું હતું. જેમાં 67 પંજાબીઓ, 33 હરિયાણાના, 8 ગુજરાતી તેમજ ઉત્તર પ્રદેશના ત્રણ, ગોવા, મહારાષ્ટ્ર અને રાજસ્થાનના બે-બે અને હિમાચલ પ્રદેશ તથા જમ્મુ કશ્મીરના એક-એક વ્યક્તિનો સમાવેશ થાય છે. ત્યારે ગુજરાતીઓની વતન વાપસી થઈ ગઈ છે. આ 8 લોકોમાં એક બાળકનો પણ સમાવેશ થાય છે. તો ગુજરાતીઓને હાલ અમદાવાદ લાવીને તેમના ઘરે પહોંચાડવાની વ્યવસ્થા કરવામાં આવી છે. આ 8 ગુજરાતીઓ કોણ કોણ છે તે માહિતી હજી સામે આવી નથી. 

સાંકળ બાંધીને લાવવામાં આવ્યા 
અમેરિકાથી 119 ગેરકાયદેસર પ્રવાસી ભારતીયોની બીજી બેચ ભારતના અમૃતસર પહોંચી છે. અમેરિકન સૈન્ય વિમાન C-17 શનિવારે રાત્રે 11.32 કલાકે અમૃતસર એરપોર્ટ પર ઉતર્યું હતું. તેમાં પંજાબના 67, હરિયાણાના 33, ગુજરાતના 8, યુપી, મહારાષ્ટ્ર અને રાજસ્થાનના બે-બે, હિમાચલ, જમ્મુ-કાશ્મીર અને ગોવાના એક-એક લોકોનો સમાવેશ થાય છે. અમેરિકી રાષ્ટ્રપતિ ડોનાલ્ડ ટ્રમ્પના વહીવટીતંત્ર દ્વારા ગેરકાયદેસર ઇમિગ્રન્ટ્સ સામે કાર્યવાહી કરવાના વચનના ભાગરૂપે ભારતીયોની આ બીજી બેચ છે જેને દેશનિકાલ કરવામાં આવ્યો છે. ગત વખતની જેમ આ વખતે પણ પરત ફરેલા ભારતીયોને હાથકડી અને બેડીઓ સાથે લાવવામાં આવ્યા હતા, જે તેઓ પ્લેનમાંથી ઉતરતા પહેલા હટાવી લેવામાં આવ્યા હતા.