રસોડામાં રહેલ આ મસાલો હેર ફોલ માટે છે રામબાણ! ડેન્ડ્રફ સહિત વાળની સમસ્યાઓ થશે દૂર

Control Hair Fall: શિયાળામાં હેર ફોલની સમસ્યાને ઓછી કરવા માટે લવિંગનો ઉપયોગ અલગ-અલગ રીતે કરી શકાય છે.

Control Hair Fall: હેર ફોલની સમસ્યા શિયાળામાં વધી જાય છે. હવામાં શુષ્કતા વધવાને કારણે વાળની ​​નેચરલ ભેજ અથવા મેઈન્સ્ચર પણ ઓછું થવા લાગે છે. તેનાથી તમારા વાળના ફોલિકલ્સને નુકસાન થાય છે. તેનાથી સ્કેલ્પની હેલ્થ પણ અસર પડે છે. આ બધાને કારણે શિયાળામાં ડ્રાય સ્કૅલ્પ, ડેન્ડ્રફ અને વાળ ખરવા જેવી સમસ્યાઓ વધવા લાગે છે. સાથે જ જો તમે કેમિકલ પ્રોડક્ટ્સનો ઉપયોગ કરો છો તો તમારા વાળ ખરવાની સમસ્યા પણ વધી શકે છે. જો તમને પણ શિયાળાની ઋતુમાં વાળ ખરવાની સમસ્યા હોય તો અહીં વાંચો કે તમે કયા ઘરેલું ઉપાયોનો ઉપયોગ કરી શકો છો.

વાળ ખરતા અટકાવવા માટે તૈયાર કરો આ હર્બલ ઓઈલ 
વાળને ભેજ અને સ્ટ્રેન્થ આપવા માટે માથાની તેલથી માલિક કરવું સારો ઉપાય છે. તમે કોઈ સારા ઈસેન્શિયલ ઓઈલથી જો સ્કેલ્પ અને વાળોની માલિશ કરો છો, તો તે તમારા વાળ સંબંધિત સમસ્યાઓને ઘટાડી શકે છે. નારિયેળ તેલ અથવા સરસવનું તેલ શિયાળામાં વાળને પોષણ આપવાનું કામ કરે છે. તમે આમાં લવિંગના બીજને ઉકાળીને એક હર્બલ હેર ઓઈલ તૈયાર કરી શકો છો.

લવિંગ હર્બલ હેર ઓઇલ કેવી રીતે તૈયાર કરવું

• 100 મિલી સરસવનું તેલ અને સમાન માત્રામાં નારિયેળનું તેલ લો. તેને મિક્સ કરો.
• ત્યારબાદ તેમાં 2 ચમચી બદામનું તેલ અને એક વાટકી લવિંગના દાણા નાખો.
• તમે એક મધ્યમ કદની ડુંગળી કટ કરીને આ મિશ્રણમાં ઉમેરી શકો છો.
• બધું વસ્તુઓને મિક્સ કરો અને 30 મિનિટ સુધી ઉકાળો.
• ત્યારબાદ તેને ઠંડુ થયા બાદ તેને ગાળીને બોટલમાં ભરી લો.
• તમે શેમ્પૂ કરતા પહેલા આ તેલથી તમારા માથાની મસાજ કરી શકો છો.

હેર ફોલ અટકાવવા માટે ઉપયોગ કરો લવિંગનું પાણીનો ઉપયોગ કરો
તમારા વાળ માટે લવિંગ એક ચમત્કારિક ઇન્ગ્રીડિઅન્ટ તરીકે કામ કરી શકે છે. તેનાથી તમારા વાળ ખરવાની સમસ્યા ઓછી થઈ શકે છે. લવિંગના પાણીનો ઉપયોગ કરીને તમે વાળ ખરવાની સમસ્યાથી રાહત મેળવી શકો છો. લવિંગમાં યુજેનોલ અને ફેનોલિક એસિડ જેવા ઘણા મજબૂત એન્ટી-ઓક્સીડેન્ટ હોય છે. જે સ્કેલ્પને સ્વસ્થ બનાવે છે અને વાળને મજબૂત બનાવે છે. તેનાથી વાળનો ગ્રોથ વધે છે અને વાળ ખરવાની સમસ્યાથી પણ રાહત મળે છે.

આ રીતે કરો ઉપયોગ

• એક લિટર પાણીમાં મુઠ્ઠીભર લવિંગ (15-20 લવિંગ) નાખીને ઉકાળો.
• આ મિશ્રણને 20-25 મિનિટ સુધી ઉકાળો અને પછી તેને આગ પરથી ઉતારી લો.
• ત્યાર બાદ આ પાણીને ઠંડુ થવા માટે બાજુ પર રાખો દો.
• તમે શેમ્પૂ કરતી વખતે આ પાણીનો ઉપયોગ કરી શકો છો. એ જ રીતે લવિંગનું પાણી સ્પ્રે બોટલમાં ભરો અને પછી તેનો હેર સ્પ્રે તરીકે ઉપયોગ કરો.

Disclaimer: અહીં આપવામાં આવેલી તમામ માહિતી સામાન્ય માન્યતા અને માહિતી પર આધારિત છે. Zee 24 કલાક આ વાતની પુષ્ટિ કરતું નથી. તેથી, વાચકોને વિનંતી છે કે આ લેખને અંતિમ સત્ય કે દાવો ન ગણવો. કોઈપણ માહિતી અમલમાં મૂકતા પહેલા, કૃપા કરીને સંબંધિત નિષ્ણાતની સલાહ લો.