એરફોર્સનું સુખોઈ જેટ મહારાષ્ટ્રના નાસિકમાં ક્રેશ, બે પાઇલોટ્સનો આબાદ બચાવ

આ મહિનાની શરૂઆતમાં IAFનું જગુઆર ફાઇટર જેટ પર ગુજરાતના કચ્છના મુન્દ્રામાં ક્રેશ થઈ ગયું હતું

નવી દિલ્હી : ઇન્ડિયન એર ફોર્સ (IAF)નું સુખોઈ જેટ આજે મહારાષ્ટ્ર્ના નાસિક ખાતે ક્રેશ થઈ ગયું છે.  સદનસીબે આ દુર્ઘટનામાં કોઈ જાનહાનિ નોંધાઈ નથી અને બે પાઇલોટ્સનો આબાદ બચાવ થયો છે. નોંધનીય છે કે આ મહિનાની શરૂઆતમાં IAFનું જગુઆર ફાઇટર જેટ પર ગુજરાતના કચ્છના મુદ્દા જિલ્લામાં ક્રેશ થઈ ગયું હતું. 

Maharashtra: A Sukhoi Su-30MKI crashes near Nashik, pilots are safe. More details awaited. pic.twitter.com/coQJSudLDo

— ANI (@ANI) June 27, 2018

ભારતીય વાયુસેનાનું મુખ્ય ફાઇટર વિમાન અને વિશ્વના સૌથી ખતરનાક વિમાનમાં સુખોઈ 30 MKIનો સમાવેશ થાય છે. આ વિમાનનું પ્રોડક્શન ભારતમાં જ થઈ જાય છે. 

જાન્યુઆરીમાં રક્ષા મંત્રી નિર્મલા સીતારમણે જોધપુરનાં એરફોર્સ બેસથી સુખોઈ-30 લડાકૂ વિમાન ઉડાવ્યું છે. નિર્મલા સીતારમન દેશનાં પહેલા મહિલા રક્ષા મંત્રી છે જેમણે લડાકૂ વિમાન ઉડાવ્યું હોય. આ પહેલા ૨૫ નવેમ્બર, 2009માં ત્રણે સેનાઓનાં સુપ્રીમ કમાન્ડર તરીકે પૂર્વ રાષ્ટ્રપતિ પ્રતિભા પાટિલે પુણેમાં સુખોઈ વિમાન ઉડાવ્યું હતું.