Allopathy vs Ayurveda: સુપ્રીમ કોર્ટ પહોંચ્યા બાબા રામદેવ, બધા કેસ દિલ્હી ટ્રાન્સફર કરવાની માંગ

નવી દિલ્હીઃ યોગ ગુરૂ બાબા રામદેવ એલોપથી પર આપેલા નિવેદન બાદ દેશના અલગ-અલગ રાજ્યોમાં તેમની વિરુદ્ધ નોંધાયેલી FIR મુદ્દે સુપ્રીમ કોર્ટ પહોંચ્યા છે. બાબા રામદેવે પોતાની અરજીમાં એલોપથી પર કથિત ટિપ્પણી બાદ બિહાર અને ઝારખંડમાં નોંધાયેલી એફઆઈઆર પર પ્રતિબંધ લગાવવા અને તેને દિલ્હી ટ્રાન્સફર કરવાની માંગ કરી છે. 

યોગ ગુરૂ બાબા રામદેવે વિભિન્ન રાજ્યોમાં તેમની વિરુદ્ધ નોંધાયેલી એફઆઈઆરમાં કાર્યવાહી પર પ્રતિબંધ લગાવવાની માંગ કરતા સર્વોચ્ચ કોર્ટનો દરવાજો ખખડાવ્યો છે. અરજીમાં પટના અને રાયપુરમાં નોંધાયેલી એફઆઈઆર પર પ્રતિબંધ લગાવવા અને દિલ્હી ટ્રાન્સફર કરવાની માંગ કરી છે. 

Yoga guru Baba Ramdev moves Supreme Court seeking a stay on the proceedings in multiple cases lodged against him in various states over his alleged remarks on efficacy of allopathy in treatment of COVID-19; seeks protection from coercive actions in FIRs lodged by IMA pic.twitter.com/NLnB49egpH

— ANI (@ANI) June 23, 2021

કોરોના મહામારી વચ્ચે બાબા રામદેવે એલોપથી વિરુદ્ધ આપેલા નિવેદન પર ઈન્ડિયન મેડિકલ એસોસિએશને આકરો વિરોધ નોંધાવ્યો હતો. રામદેવના એલોપથી વિરુદ્ધ આપેલા નિવેદન બાદ અનેક જગ્યાએ ડોક્ટરોએ પ્રદર્શન કર્યું હતું. તો ઘણા રાજ્યોમાં તેમની વિરુદ્ધ કેસ નોંધાવવામાં આવ્યો છે.