નીતા અંબાણી નહીં 74 વર્ષના આ દાદી છે ભારતના સૌથી અમીર મહિલા, જેમની પાસે છે 'કુબેરનો ખજાનો'

74 ની ઉંમરમાં છે અરબોના માલિક! અનેક કર્મચારીઓ એમના હાથ નીચે કરે છે કામ. રૂપિયાનો તો એમના ઘરે રીતસર થાય છે વરસાદ...

દિલ્લીઃ ભારતના સૌથી ધનિક વ્યક્તિ મુકેશ અંબાણી વિશે તમે ઘણી વાર સાંભળ્યું હશે. પરંતુ આજે અમે તમને ભારતની સૌથી અમીર મહિલા વિશે જણાવીશું. સ્ટીલ, પાવર, સિમેન્ટ અને ઇન્ફ્રાસ્ટ્રક્ચર ક્ષેત્રે સંકળાયેલી કંપની જિંદાલ ગ્રૂપની ચેરપર્સન એમેરિટસ સાવિત્રી જિંદાલ ભારતની સૌથી ધનિક મહિલા છે. સાવિત્રી એકમાત્ર ભારતીય મહિલા અબજોપતિ છે જે ભારતના ટોપ-10 ધનિકોની યાદીમાં સામેલ છે.

2005 માં હેલિકોપ્ટર દુર્ઘટનામાં જિંદાલ ગ્રૂપના સ્થાપક ઓમ પ્રકાશ જિંદાલના મૃત્યુ પછી, સાવિત્રીએ જિંદાલ ગ્રૂપનું બિઝનેસ સામ્રાજ્ય સંભાળ્યું. બિઝનેસ મેગેઝિન ફોર્બ્સ અનુસાર, સાવિત્રી જિંદાલની કુલ સંપત્તિ 40 અબજ ડોલર છે. ગ્રુપની કંપનીઓ તેમના ચાર પુત્રોમાં વહેંચવામાં આવી છે. જિંદાલ ગ્રુપની સૌથી વધુ સંપત્તિ સજ્જન જિંદાલ પાસે છે. સજ્જન જિંદાલ પાસે JSW સ્ટીલની જવાબદારી છે. જ્યારે નાનો પુત્ર નવીન જિંદાલ સ્ટીલ અને પાવરનું સંચાલન કરે છે.

સાવિત્રી જિંદાલનો જન્મ 20 માર્ચ 1950ના રોજ આસામના તિનસુકિયામાં થયો હતો. 1970 ના દાયકામાં, તેણીએ જિંદાલ જૂથના સ્થાપક ઉદ્યોગપતિ ઓમ પ્રકાશ જિંદાલ સાથે લગ્ન કર્યા. જિંદાલ ગ્રૂપનો બિઝનેસ સ્ટીલ, એનર્જી, ઈન્ફ્રાસ્ટ્રક્ચર, સિમેન્ટ, ઈન્વેસ્ટમેન્ટ અને પેઈન્ટ સહિત અનેક ક્ષેત્રોમાં ફેલાયેલો છે.

સાવિત્રીએ રાજનીતિની સાથે બિઝનેસમાં પણ હાથ અજમાવ્યો છે. વર્ષ 2014માં, તેમણે હરિયાણા વિધાનસભા ચૂંટણીમાં ભારતીય જનતા પાર્ટી (BJP)ના નેતા ડૉ. કમલ ગુપ્તાને હરાવ્યા હતા. જોકે, તાજેતરમાં જ તેઓ કોંગ્રેસમાંથી રાજીનામું આપીને તેમાં જોડાયા છે.