ચંદ્રયાન-2 માટે આવતીકાલનો દિવસ અત્યંત મહત્વનો, કરશે ચંદ્રની કક્ષામાં પ્રવેશ

ઈસરોએ જણાવ્યું કે, ચંદ્રની સપાટી પર 7 સપ્ટેમ્બર, 2019ના રોજ લેન્ડરના ઉતરતા પહેલા ધરતી પરથી બે કમાન્ડ આપવામાં આવશે, જેથી લેન્ડરની ગતિ અને દિશાને સુધારી શકાય, તે આરામથી ઉતરાણ કરી શકે

ચેન્નાઈઃ ભારતનું ચંદ્રયાન-2 મંગળવારે સવારે ચંદ્રની કક્ષામાં પ્રવેશ કરશે. ભારતીય અંતરીક્ષ એજન્સી ઈસરોના જણાવ્યા અનુસાર, ચંદ્રયાન-2 પર રહેલી બે મોટરને સક્રિય કરવાની સાથે જ આ યાન ચંદ્રની કક્ષામાં પહોંચી જશે. ચંદ્રયાન-2ના ચંદ્રની કક્ષામાં પહોંચ્યા પછી ઈસરો કક્ષાના અંદર આ યાનને ચાર વખત (21, 28 અને 30 ઓગસ્ટ તથા 1 સપ્ટેમ્બર)ના રોજ તેની દિશા પરિવર્તિત કરશે. 

ત્યાર પછી તે ચંદ્રના ધ્રુવની ઉપરથી પસાર થઈને સૌથી નજીક એટલે કે 100 કિમીની પોતાની નિર્ધારિત કક્ષામાં પહોંચી જશે. ત્યાર પછી વિક્રમ લેન્ડરને 2 સપ્ટેમ્બરના રોજ ચંદ્રયાન-2માંથી અલગ કરીને ચંદ્રની સપાટી પર ઉતારવામાં આવશે. ઈસરોએ જણાવ્યું કે, ચંદ્રની સપાટી પર 7 સપ્ટેમ્બર, 2019ના રોજ લેન્ડરને ઉતારતાં પહેલાં ધરતી પરથી બે કમાન્ડ આપવામાં આવશે, જેથી તેની ગતિ અને દિશારી સુધારી શકાય. 

ઉલ્લેખનીય છે કે ચંદ્રયાન-2ને જીયોસિન્ક્રોનસ સેટેલાઈન્ટ લોન્ચ વ્હિકલ માર્ક-2 (GSLV MKIII) દ્વારા લોન્ચ કરાયું હતું. આ યાનના ત્રણ ભાગ છે. જેમાં ઓર્બિટર (વજન 2,379 કિગ્રા, 8 પેલોડ સાથે), લેન્ડર વિક્રમ શ્ર1,471 કિગ્રામ, ચાર પેલોડ સાથે) અને રોવર પ્રજ્ઞાન (વજન 27 કિગ્રા, બે પેલોડ સાથે)નો સમાવેશ થાય છે. 

જુઓ LIVE TV....