Delhi Violence: તમામ મૃતકોના પરિવારને મળશે 10-10 લાખ રૂપિયાનું વળતર, કેજરીવાલે કરી જાહેરાત

દિલ્હીના મુખ્યપ્રધાન અરવિંદ કેજરીવાલે હિંસામાં જીવ ગુમાવનાર લોકોના પરિવારજનો માટે સહાયની જાહેરાત કરી છે.

નવી દિલ્હીઃ દિલ્હી હિંસાને લઈને મુખ્યપ્રધાન અરવિંદ કેજરીવાલે ગુરૂવારે પત્રકાર પરિષદ યોજી હતી. તેમણે કહ્યું કે, હિંસામાં હિન્દુ અને મુસલમાન બધાને નુકસાન થયું છે. આ દરમિયાન તેમણે વળતરની પણ જાહેરાત કરી હતી. તેમણે કહ્યું કે, હોસ્પિટલોમાં ઈજાગ્રસ્તોની સારવાર ફ્રીમાં કરવામાં આવી રહી છે. ઈજાગ્રસ્તો પર ફરિશ્તે યોજના લાગૂ થશે. આ દરમિયાન તેમણે મૃતકોના પરિવારનોને 10-10 લાખ રૂપિયાની સહાય આપવાની પણ જાહેરાત કરી છે. 

સીએમ અરવિંદ કેજરીવાલે આગળ કહ્યું કે, સામાન્ય ઈજાગ્રસ્તોને 20-20 હજાર રૂપિયાની સહાય કરવામાં આવશે. હિંસામાં જેની રિક્ષાને નુકસાન થયું છે તેને 25 હજાર, ઈ રિક્ષા માટે 50 હજાર, જેનું ઘર સળગ્યું છે તેને 5 લાખ રૂપિયા આપવામાં આવશે. આ સિવાય જેની દુકાનો સળગી છે તેના માટે પણ 5 લાખ રૂપિયાના વળતરની જાહેરાત કરવામાં આવી છે. 

Delhi CM Arvind Kejriwal: Under Delhi Govt's 'Farishte' scheme of free-of-cost medical treatment at any private hospital, those affected in this violence can get medical treatment. Compensation of Rs 10 lakhs each to families of those who have died. #DelhiViolence pic.twitter.com/voymWSw60X

— ANI (@ANI) February 27, 2020

Delhi CM Arvind Kejriwal: Any person who is found guilty should be given stringent punishment. If any Aam Aadmi Party person is found guilty then that person should be given double the punishment. There should be no politics on the issue of national security. #DelhiViolence pic.twitter.com/ykrsL7sIA4

— ANI (@ANI) February 27, 2020

દિલ્હીના સીએમે કહ્યું કે, જેના પશુ સળગી ગયા છે તેને પાંચ હજાર પ્રતિ પશુ આપવામાં આવશે. જેના આધાર કાર્ડ, ચૂંટણી કાર્ડ સળગી ગયા છે તેના દસ્તાવેજો બનાવી આપવામાં આવશે. તેના માટે કેમ્પ લાગશે. સીએમે કહ્યું કે, સરકાર પીડિતોને ફ્રીમાં ભોજન પહોંચાડશે. હેલ્પલાઇન નંબર જારી કરવામાં આવ્યા છે. તમામ વિસ્તારમાં શાંતિ જાળવવા માટે કમિટીઓ સક્રિય થશે. 

તેમણે કહ્યું કે, દિલ્હી સરકાર તરફથી જે પગલા અમે ભરી શકતા હતા તે અમે ભર્યા છે. કાલથી હિંસાની ઘટનામાં ઘટાડો થયો છે. આજે અમે ઘણી બેઠક કરી છે. 

તાહિર હુસૈન પર શું બોલ્યા સીએમ કેજરીવાલ
આમ આદમી પાર્ટીના કોર્પોરેટર તાહિર હુસૈનને લઈને જ્યારે અરવિંદ કેજરીવાલને સવાલ પૂછવામાં આવ્યો તો તેમણે કહ્યું કે, તોફાનો પર રાજનીતિ ન થવી જોઈએ. મારી પાસે પોલીસ નથી. હું કેમ પગલાં ભરી શકું. તાહિર હુસૈન હોય કે અન્ય કોઈ કડક કાર્યવાહી થવી જોઈએ. સીએમે કહ્યું કે, જો કોઈ આમ આદમી પાર્ટીના નેતા પકડાય છે તો તેને જે સજા હોય તેના કરતા ડબલ સજા આપો. 

જુઓ LIVE TV