કોંગ્રેસ નેતા સંજય ઝા કોરોનાથી સંક્રમિત, થયા હોમ ક્વોરેન્ટીન

કોંગ્રેસ નેતા અને પ્રવક્તા કોરોના વાયરસનો શિકાર બન્યા છે. તેમણે ટ્વીટ કરીને આ જાણકારી આપી છે.

નવી દિલ્હીઃ કોંગ્રેસ નેતા અને પ્રવક્તા સંજય ઝા (Sanjay Jha) પણ કોરોના વાયરસ (Coronavirus)થી સંક્રમિત થયા છે. તેમણે ટ્વીટ કરીને ખુદ આ જાણકારી આપી છે. તેમણે જણાવ્યુ કે, કોઈ પ્રકારના લક્ષણ ન હોવાને કારણે તેઓ એક સપ્તાહથી વધુ સમય ઘરમાં ક્વોરેન્ટીન રહેશે. 

તેમણે લોકોને અપીલ કરી છે કે તે એક વ્યક્તિથી બીજા વ્યક્તિમાં સંક્રમણના ખતરાને ઓછો આંકે નહીં.

I have tested positive for Covid_19 . As I am asymptomatic I am in home quarantine for the next 10-12 days. Please don’t underestimate transmission risks, we are all vulnerable.

Do take care all.

— Sanjay Jha (@JhaSanjay) May 22, 2020

સંજય ઝાએ શુક્રવારે એક ટ્વીટમા કહ્યુ, હું કોવિડ-19થી સંક્રમિત છુ. મારામાં સંક્રમણના કોઈ લક્ષણ દેખાયા નથી, તેથી હું આગામી 10-12 દિવસ સુધી ઘરમાં ક્વોરેન્ટીન રહીશ. મહેરમાની કરીને એક-બીજાથી સંક્રમિત થવાના ખતરાને ગંભીરતાથી લો, કારણ કે આપણે બધા લાચાર છીએ. તમારૂ ધ્યાન રાખો.