બ્રિટનમાં નવા કોરોના વાયરસનો ડર, ભારતે 31 ડિસેમ્બર સુધી ફ્લાઇટ્સ પર લગાવ્યો પ્રતિબંધ

બ્રિટનમાં કોરોનાનો નવો સ્ટ્રેન મળ્યા બાદ ભારત સરકાર એલર્ટ થઈ ગઈ છે. સરકારે બ્રિટનથી આવતી તમામ ફ્લાઇટો પર પ્રતિબંધ લગાવી દીધો છે.

નવી દિલ્હીઃ બ્રિટનમાં કોરોનાનો નવા સ્ટ્રેન જોવા મળ્યા બાદ હડકંચ મચી ગયો છે. આ કારણે ઘણા યૂરોપીય દેશોએ બ્રિટનથી અવર-જવર પર પ્રતિબંધ લગાવી દીધો છે. આ કડીમાં ભારત સરકારે પણ બ્રિટનથી આવનારી ફ્લાઇટ્સ પર 31 ડિસેમ્બર સુધી પ્રતિબંધ લગાવી દીધો છે. ફ્લાઇટ્સ પર પ્રતિબંધ આજે રાત્રે 12 કલાકથી શરૂ થશે. આ પહેલા આવનારી તમામ ફ્લાઇટ્સના દરેક પેસેન્જર માટે  RT-PCR ટેસ્ટ ફરજીયાત કરી દેવામાં આવ્યો હતો. 

As a measure of abundant precaution, passengers arriving from UK in all transit flights (flights that have taken off or flights which are reaching India before 22nd Dec at 11.59 pm) should be subject to mandatory RT-PCR test on arrival at airports: Ministry of Civil Aviation https://t.co/Uf5yyrQinY

— ANI (@ANI) December 21, 2020

ભારત સરકાર તરફથી ટ્વીટ કરીને જણાવવામાં આવ્યું કે, બ્રિટનમાં હાલની સ્થિતિને જોતા ભારત સરકારે નિર્ણય લીધો છે કે 31 ડિસેમ્બર 2020 સુધી બ્રિટનથી ભારત આવનારી તમામ ઉડાનોને સસ્પેન્ડ કરી દીધી છે. આ પ્રતિબંધ આજે રાત્રે 12 કલાકથી શરૂ થશે. જે 31 ડિસેમ્બર મધ્યરાત્રી સુધી જારી રહેશે. 

શું છે કોરોનાનો નવો સ્ટ્રેન
બ્રિટનમાં કોરોનાનો નવો સ્ટ્રેન  VUI-202012/01 મળ્યો છે, ત્યારબાદ વિજ્ઞાન જહતમાં હલચલ તેજ છે. બ્રિટને પોતાને ત્યાં  નિયમો કડક કરી દીધા છે. જ્યારે ફ્રાન્સ, જર્મની, નેધરલેન્ડ સહિત યૂરોપના ઘણા દેશોએ યૂકેની ફ્લાઇટ પર બેન લગાવી દીધો છે. વિશ્વ સ્વાસ્થ્ય સંગઠન તરફથી કોરોનાના નવા સ્ટ્રેનના પર અભ્યાસ કરવામાં આવી રહ્યો છે.