2 મહિના સુધી રાત્રે 8થી સવારે 6 કલાક સુધી કર્ફ્યુ, આ જિલ્લા તંત્રએ લીધો મોટો નિર્ણય

ભારત પાકિસ્તાન તણાવ વચ્ચે મેઘાલયમાં મોટો નિર્ણય લેવામાં આવ્યો છે. બાંગ્લાદેશ સરહદ સાથે જોડાયેલા મેઘાલયના ઈસ્ટ ખાસી હિલ્સ જિલ્લા તંત્રએ નાઇટ કર્ફ્યુની જાહેરાત કરી છે.

નવી દિલ્હીઃ ભારત અને પાકિસ્તાન વચ્ચે ચાલી રહેલા તણાવ વચ્ચે બાંગ્લાદેશ સરહદ પર પણ પેટ્રોલિંગ વધારી દેવામાં આવ્યું છે. આ વચ્ચે મેઘાલયના ઈસ્ટ ખાસી હિલ્સ જિલ્લા વહીવટી તંત્રએ આંતરરાષ્ટ્રીય સરહદથી 5 કિલોમીટરની અંદર આવનાત ક્ષેત્રોમાં 2 મહિના માટે નાઇટ કર્ફ્યુ લગાવી દીધું છે.
યુદ્ધ એજ કલ્યાણ... લેટેસ્ટ અપડેટ માટે જુઓ અમારી લાઈવ ટીવી.. કરો ક્લિક

આ કર્ફ્યુ તાત્કાલીક પ્રભાવથી લાગૂ થઈ ગયું છે અને દરરોજ રાત્રે 8 કલાકથી સવારે 6 કલાક સુધી પ્રભાવી રહેશે. આ પગલું તાજેતરની ઘટનાઓ જેમાં 6 મેએ મેઘાલય ફ્રંટિયર હેઠળ બીએસએફ જવાનો દ્વારા ચાર બાંગ્લાદેશી નાગરિકોને ઝડપ્યા હતા, જેને ધ્યાનમાં રાખી ઉઠાવવામાં આવ્યું છે. જેનાથી ગેરકાયદેસર ઘૂષણખોરી અને સરહદ પારની ગતિવિધિઓને લઈને ચિંતાઓ વધી ગઈ છે.

"આ મામલાની તાકીદને ધ્યાનમાં રાખીને આ આદેશ એકપક્ષીય કરવામાં આવ્યો છે અને તે તાત્કાલિક અસરથી અમલમાં આવ્યો છે અને આ આદેશ જારી થયાની તારીખથી બે મહિનાના સમયગાળા માટે અમલમાં રહેશે," જિલ્લા મેજિસ્ટ્રેટ આરએમ કુરબાહે તેમના આદેશમાં જણાવ્યું હતું.

આ પણ વાંચોઃ ભારતની S-400 એર ડિફેન્સ સિસ્ટમને કેમ કહેવામાં આવે છે સુદર્શન ચક્ર? જાણો ખાસિયત

આ આદેશમાં બાંગ્લાદેશ સાથેની આંતરરાષ્ટ્રીય સરહદ પાર કરવા અથવા ભારતીય ક્ષેત્રમાં ઘૂસવાના ઈરાદાથી આંતરરાષ્ટ્રીય સરહદ પર લોકોની અવરજવર પર પણ પ્રતિબંધ મૂકવામાં આવ્યો હતો.

વધુમાં, તેમાં પાંચ કે તેથી વધુ વ્યક્તિઓના અનધિકૃત સરઘસ અથવા ગેરકાયદેસર ભેગા થવા અને ભારત-બાંગ્લાદેશ સરહદ પર અને તેની આસપાસ લાકડીઓ/પાઇપ અને પથ્થરો સહિત હથિયારો/અન્ય સાધનો વહન કરવા પર પ્રતિબંધ મૂકવામાં આવ્યો હતો, ઉપરાંત ગેરકાયદેસર, અનિચ્છનીય પ્રવૃત્તિઓ, પશુઓની દાણચોરી, પ્રતિબંધિત માલ, સોપારી, સોપારી, સૂકી માછલી, બીડી, સિગારેટ, ચા પત્તી વગેરેની તસ્કરી પર પ્રતિબંધ મૂકવામાં આવ્યો હતો.