Aditya L1 Mission ને ISS ના પૂર્વ કમાંડરે વખાણ્યું, આ વાત માટે આપ્યું એલર્ટ

Chandrayaan 3 Mission: ચંદ્રયાન 3 મિશનની સફળતા બાદ સમગ્ર વિશ્વમાં ભારતની પ્રતિષ્ઠા વધી છે. આ અંગે ઈન્ટરનેશનલ સ્પેસ સ્ટેશનના પૂર્વ કમાન્ડર ક્રિસ હેડફિલ્ડનું માનવું છે કે ખૂબ જ ઓછા બજેટમાં આટલી મોટી છલાંગ લગાવીને ભારતે સાબિત કરી દીધું છે કે કંઈ પણ અશક્ય નથી. હવે નજર આદિત્ય L1 મિશન પર છે.

Indian Space Mission News: વૈશ્વિક સ્તરે ભારત વિશે એક સામાન્ય ધારણા હતી કે જો દેશ જમીન પર રસ્તાઓ બનાવી શકતો નથી તો અંતરિક્ષની દુનિયામાં શું કરશે. જો કે હવે આ વાત સાવ ખોટી સાબિત થઈ છે. જો આપણે અંતરિક્ષમાં ભારતની સફળતાની વાત કરીએ તો હવે આપણે વિદેશી ઉપગ્રહોને અવકાશમાં લઈ જવા સક્ષમ છીએ. આટલું જ નહીં, 23 ઓગસ્ટ 2023નો દિવસ ઐતિહાસિક સાબિત થયો જ્યારે ચંદ્રયાન 3 (Chandrayaan 3 mission) ચંદ્રની તે બાજુએ ચોક્કસ લેન્ડ થયું જ્યાં કોઈ ઉતરી શક્યું ન હતું. ઈન્ટરનેશનલ સ્પેસ સ્ટેશનના પૂર્વ કમાન્ડર ક્રિસ હેડફિલ્ડે ભારતની આ સફળતાને ખાસ રીતે રજૂ કરી હતી.

આ રીતે ભારતે રચ્યો ઈતિહાસ 
ક્રિસ હેડફિલ્ડે કહ્યું કે ચંદ્રયાન 3 ની સફળતા બાદ આદિત્ય L1 (aditya l 1 mission)નું લોન્ચિંગ ભારતની તાકાતની કહાની રજૂ કરે છે. આજે દુનિયાના દરેક ખૂણે લોકો ટેક્નોલોજી પર ભાર આપી રહ્યા છે. આદિત્ય L1 મિશન પર, તેમનું કહેવું છે કે તમારે પોતે જ માની લેવું જોઈએ કે જે કંઈક ખતરનાક સાબિત થઈ રહ્યું છે અને તેના વિશે અભ્યાસ કરવાથી માત્ર તમને જ નહીં પરંતુ અન્ય લોકોને પણ ફાયદો થશે. ભારત પણ અત્યારે આવું જ કરી રહ્યું છે. સમગ્ર માનવતા માટે આ એક મહાન પગલું છે. જો કે, આપણે જોવું પડશે કે આપણે પૃથ્વીની ભ્રમણકક્ષામાં અને તેની બહાર હજારો ઉપગ્રહો એકઠા કરી રહ્યા છીએ.

ISSના પૂર્વ કમાન્ડરે કહી મોટી વાત
હેડફિલ્ડના મતે હવે જે રીતે ટેક્નોલોજી દ્વારા તમામ ઘરોમાં વીજળી છે, ત્યાં બિઝનેસને આગળ લઈ જવા માટે કોમ્યુનિકેશનની સિસ્ટમ છે. એ જ રીતે, બાહ્ય અવકાશમાં તારાઓની જટિલ રચનાને સમજવાનો પ્રયાસ માત્ર કોઈ એક દેશ માટે જ નહીં પરંતુ વિશ્વ માટે ફાયદાકારક છે. હેડફિલ્ડે કહ્યું કે ચંદ્રયાન 3 ની સફળતાએ ભારતીય બુદ્ધિ અને ટેક્નોલોજીને વિશ્વ સમક્ષ એક તાકાત તરીકે રજૂ કરી છે. . મિશન ચંદ્રયાન માત્ર ભારત માટે જ નહીં પરંતુ વિશ્વ માટે એક ઐતિહાસિક ક્ષણ સાબિત થઇ હતી.

આદિત્ય L1 મિશન માત્ર ભારત માટે નથી
આદિત્ય L1 મિશન વિશે, જો તમે તેને આ રીતે જુઓ, તો સૂર્યની નજીક જવું અથવા તેના વિશે માહિતી મેળવવી એ પોતે જ મહાન વિચાર અને સમજણનું પ્રતિબિંબ છે. આ માત્ર ભારતીયો માટે એક ઉદાહરણ નથી, પરંતુ ભારત વિશ્વની સામે તેની તાકાતનો અહેસાસ કરાવી રહ્યું છે. જો તમે ભારતીય અંતરિક્ષ બજેટ પર નજર નાખો તો સમગ્ર બજેટનો માત્ર એક ટકા ખર્ચ મોટું આશ્ચર્ય છે. જ્યારે દુનિયાના અન્ય દેશો સ્પેસ મિશન પર પૈસા ખર્ચી રહ્યા છે, ત્યારે ઓછા બજેટમાં મોટું સ્પેસ મિશન લોન્ચ કરવું એ કોઈ નાની વાત નથી.