Giriraj Singh એ Mamata Banerjee ને ગણાવ્યા 'તાનાશાહ', નોર્થ કોરિયાના કિમ જોંગ સાથે કરી તુલના

ચૂંટણી પરિણામ બાદ બંગાળમાં થઈ રહેલી હિંસાને લઈને મમતા બેનર્જી ભાજપના નિશાના પર છે. કેન્દ્રીય મંત્રી ગિરિરાજ સિંહે તેમની તુલના કિમ જોંગ ઉન સાથે કરી છે.

નવી દિલ્હીઃ કેન્દ્રીય મંત્રી ગિરિરાજ સિંહ  (Giriraj Singh) એ પશ્ચિમ બંગાળના મુખ્યમંત્રી મમતા બેનર્જી (Mamata Banerjee) પર નિશાન સાધ્યુ છે. ચૂંટણી પરિણામ બાદ બંગાળમાં થઈ રહેલી હિંસાને લઈને તેમણે મમતાની તુલના નોર્થ કોરિયાના તાનાશાહ શાસક કિમ જોંગ  (Kim Jong-un) સાથે કરી છે. 

મમતા કિમ જોંગની યાદ અપાવે છે
ગિરિરાજ સિંહે કહ્યુ, બંગાળમાં ટીએમસીના વલણને કારણે પ્રશ્નચિન્હ લાગી ગયું છે કે ભારતમાં લોકતંત્ર રહેશે કે નહીં? દેશમાં પ્રથમ રાજ્ય છે જ્યાં સરકારના સંરક્ષણમાં રાજકીય હત્યાઓ થઈ રહી છે. મમતા બેનર્જીના નેતૃત્વવાળી ટીએમસી આજે કિમ જોંગ ઉનની પાર્ટી બની ગઈ છે. 

बंगाल में TMC के रवैये के कारण ये प्रश्नचिन्ह लग ​गया है कि भारत में लोकतंत्र रहेगा या नहीं? देश में पहला राज्य है जहां सरकार के संरक्षण में राजनीतिक हत्याएं हो रही हैं। ममता बनर्जी के नेतृत्व वाली TMC आज किम जोंग की पार्टी बन गई है: केंद्रीय मंत्री गिरिराज सिंह pic.twitter.com/WoEt8H0YSq

— ANI_HindiNews (@AHindinews) May 4, 2021

મમતાની હાઈ લેવલ બેઠક
બીજીતરફ બંગાળ હિંસા (Bengal Violence) પર મુખ્યમંત્રી મમતા બેનર્જીએ રાજ્યના ઉચ્ચ અધિકારીઓ સાથે બેઠક કરી છે. મમતા બેનર્જીના કાલીઘાટ આવાસ પર આ બેઠક મળી છે. બેઠકમાં રાજ્યના મુખ્ય સચિવ, ગૃહ સચિવ, ડીજીપી અને કોલકત્તા પોલીસ કમિશનર હાજર હતા. 

PM Modi એ રાજ્યપાલ સાથે કરી વાત
પ્રધાનમંત્રી નરેન્દ્ર મોદીએ બંગાળના રાજ્યપાલ સાથે ફોન પર વાત કરી છે. પીએમ મોદીએ રાજ્યની કાયદો-વ્યવસ્થાની સ્થિતિ પર ચિંતા વ્યક્ત કરી છે. બંગાળના રાજ્યપાલ જગદીપ ધનખડે કહ્યુ કે, હિંસા અને હત્યાઓ બેરોકટોક જારી છે. તેમણે રાજ્યની કાયદો વ્યવસ્થાની સ્થિતિ પર ચિંતા વ્યક્ત કરી છે.