શેર બજારમાં પત્નીને થઈ ગયું દેવુ, તો તેને ચુકવવા માટે પતિ જવાબદાર, સુપ્રિમ કોર્ટનો મહત્વનો ચુકાદો

Supreme Court: સુપ્રીમ કોર્ટે શેર બજારમાં લેણુ થઈ જવા પર એક મહત્વપૂર્ણ ચુકાદો આપ્યો છે, આ મામલો એમ હતો કે પતિ અને પત્ની બન્નેના અલગ-અલગ ટ્રેડિંગ એકાઉન્ટ હતા અને તેઓ પોતાની રીતે અલગ-અલગ ચલાવતા હતા, હવે પત્નીને શેર બજારમાં મોટું નુકસાન થાય છે, કે જો પતિ-પત્ની વચ્ચે મૌખિક સમજૂતી થાય તો લોન ચૂકવવાની જવાબદારી શું પતિ પર આવી શકે છે. જાણો આ મામલો સુપ્રિમ કોર્ટ શું કહ્યું ?

Supreme Court: જો પત્નીએ શેરબજારમાં લોન લીધી હોય તો તેની જવાબદારી પતિ પર પણ આવશે. સુપ્રીમ કોર્ટે એક મહત્વપૂર્ણ નિર્ણયમાં કહ્યું કે જો પતિ-પત્ની વચ્ચે મૌખિક સમજૂતી થાય તો લોન ચૂકવવાની જવાબદારી પતિ પર આવી શકે છે. આ મામલો સુપ્રીમ કોર્ટની બેંચમાં જસ્ટિસ પીએસ નરસિંહ અને જસ્ટિસ સંદીપ મહેતા સમક્ષ આવ્યો હતો. આ મામલો એક દંપતી સાથે સંબંધિત હતો, બંનેએ શેરબજારમાં રોકાણ કર્યું હતું.

બાર અને બેંચના રિપોર્ટ અનુસાર પત્નીને તેના ખાતામાં ભારે નુકસાન થયું અને દેવું વધી ગયું. જ્યારે મામલો આર્બિટ્રલ ટ્રિબ્યુનલમાં પહોંચ્યો ત્યારે તેણે પતિ-પત્ની બંનેને દેવાદાર ગણાવ્યા. આ નિર્ણય સામે પતિએ કોર્ટનો દરવાજો ખખડાવ્યો પરંતુ ત્યાં પણ તેને રાહત મળી નહીં. સુપ્રીમ કોર્ટે સ્પષ્ટ કર્યું કે મૌખિક કરારના આધારે પણ પત્નીના શેરબજારના દેવા માટે પતિને જવાબદાર ઠેરવી શકાય છે. બોમ્બે સ્ટોક એક્સચેન્જના 1947ના કાયદાને ટાંકીને કોર્ટે કહ્યું કે ટ્રિબ્યુનલ ઈચ્છે તો તેના પતિ પર નાણાકીય જવાબદારી નાખી શકે છે.

કોર્ટના સૂત્રોના જણાવ્યા અનુસાર, દંપતીના અલગ-અલગ ટ્રેડિંગ એકાઉન્ટ હતા, પરંતુ તેઓ તેને સંયુક્ત રીતે ચલાવતા હતા. પત્નીને થયેલા નુકસાનની ભરપાઈ પતિના ખાતામાંથી કરવામાં આવી હતી, જેના કારણે તેનું ડેબિટ બેલેન્સ વધી ગયું હતું. જ્યારે પતિએ આને પડકાર્યો ત્યારે ટ્રિબ્યુનલે સ્પષ્ટપણે કહ્યું કે આ દેવું બંનેની સંયુક્ત જવાબદારી છે. સુપ્રીમ કોર્ટે પણ આને મંજૂરી આપી અને આદેશ આપ્યો કે પતિએ 9 ટકા વાર્ષિક વ્યાજ સાથે 1 કરોડ 18 લાખ 58 હજાર રૂપિયા ચૂકવવા પડશે.

સુપ્રીમ કોર્ટના આ મહત્વના નિર્ણયથી સ્પષ્ટ થઈ ગયું છે કે શેરબજારમાં રોકાણ કરનારા યુગલો માટે મૌખિક કરાર પણ કાયદેસર રીતે માન્ય હોઈ શકે છે અને જો પત્ની દેવું થઈ જાય તો તેનો બોજ પતિને પણ ઉઠાવવો પડી શકે છે.