Corona Update: કોરોનાના નવા કેસ અને મૃત્યુના આંકડામાં નોંધપાત્ર ઘટાડો, જાણો લેટેસ્ટ અપડેટ

નવી દિલ્હી: કોરોના (Coronavirus) ની બીજી લહેરનો પ્રકોપ હવે દિન પ્રતિદિન ઘટી રહ્યો છે. નવા કેસ અને મૃત્યુના આંકડામાં પણ નોંધપાત્ર ઘટાડો જોવા મળી રહ્યો છે. છેલ્લા 24 કલાકમાં કોરોનાના નવા 42 હજાર કેસ નોંધાયા છે. જ્યારે 1167 લોકોના મોત થયા છે. ગઈ કાલે દેશભરમાંથી કોરોનાના નવા 53,256 કેસ નોંધાયા હતા અને 1422 લોકોએ જીવ ગુમાવ્યા હતા. 

એક દિવસમાં કોરોનાના 42 હજાર નવા કેસ
કેન્દ્રીય આરોગ્ય મંત્રાલયે જાહેર કરેલા આંકડા મુજબ છેલ્લા 24 કલાકમાં કોરોના વાયરસના નવા 42,640 કેસ નોંધાયા છે. જે 91 દિવસમાં સૌથી ઓછા નોંધાયેલા કેસ છે. આ સાથે કુલ કોરોના સંક્રમિત દર્દીઓનો આંકડો હવે 2,99,77,861 પર પહોંચી ગયો છે. જેમાંથી 6,62,521 દર્દીઓ હાલ સારવાર હેઠળ છે. એક દિવસમાં 81,839 દર્દીઓ રિકવર થયા છે. કુલ સાજા થયેલા દર્દીઓનો આંકડો હવે 2,89,26,038 થયો છે. 

India reports 42,640 new #COVID19 cases (lowest in 91 days), 81,839 discharges & 1,167 deaths in last 24 hours as per Union Health Ministry

Total cases: 2,99,77,861
Total discharges: 2,89,26,038
Death toll: 3,89,302
Active cases: 6,62,521

Total Vaccination: 28,87,66,201 pic.twitter.com/xyFVIvvIEt

— ANI (@ANI) June 22, 2021

24 કલાકમાં 1,167 દર્દીઓ જીવ ગુમાવ્યા
સરકારી આંકડા મુજબ છેલ્લા 24 કલાકમાં કોરોના વાયરસના કારણે દેશભરમાંથી 1,167 દર્દીઓએ જીવ ગુમાવ્યા છે. આ સાથે કુલ મૃત્યુનો આંકડો હવે 3,89,302 પર પહોંચ્યો છે. રસીકરણ અભિયાન હેઠળ અત્યાર સુધીમાં દેશભરમાં રસીના 28,87,66,201 ડોઝ અપાયા છે. 

#COVID19 | The total number of samples tested up to 21st June is 39,40,72,142 including 16,64,360 samples tested yesterday, says the Indian Council of Medical Research (ICMR) pic.twitter.com/6OOYQwV6nX

— ANI (@ANI) June 22, 2021

કુલ 39,40,72,142 કોરોના ટેસ્ટ
ઈન્ડિયન કાઉન્સિલ ઓફ મેડિકલ રિસર્ચના જણાવ્યાં મુજબ ગઈ કાલે એક દિવસમાં દેશભરમાંથી કોરોનાના 16,64,360 ટેસ્ટ કરવામાં આવ્યા હતા. આ સાથે અત્યાર સુધીમાં દેશમાં કરાયેલા કોરોના ટેસ્ટનો આંકડો 39,40,72,142 પર પહોંચી ગયો છે.