પાણી માટે વલખા મારતું હતું આ ગામ, ગ્રામીણોએ જાત મહેનતે ચપટીમાં દૂર કરી સમસ્યા

ઈન્દોર: મધ્ય પ્રદેશના ઈન્દોર નજીક આવેલા કનાડિયા ગામના ગ્રામીણોએ કઈંક એવું કરી બતાવ્યું છે કે જેના ચારેબાજુ વખાણ થઈ રહ્યાં છે. હકીકતમાં આ ગામ પાણી માટે તરસી રહ્યું હતું પરંતુ આખા ગામના લોકોએ તનતોડ મહેનત કરીને નદીને એટલી ઊંડી કરી દીધી કે હવે આખું વર્ષ આ ગામમાં પાણીની જરાય તકલીફ નહીં પડે.ખાસ વાત એ છે કે આ ગ્રામીણોએ સરકાર પાસેથી કોઈ મદદ લીધી નથી. જ્યારે નિગમે મદદના નામે ફક્ત એક પોકલેન અને એક જેસીબી મશીન આપી હતી. 

MP: Residents of Kanadiya Village in Indore have revived a river and built a small dam with the help of an engineer to combat the water crisis in the area. Say, "All villagers contributed money. The people came up with the idea first and then took the help of an engineer" (04.07) pic.twitter.com/4TESN9MxED

— ANI (@ANI) July 5, 2019

અત્રે જણાવવાનું કે કનાડિયા ગામ ઈન્દોરથી લગભગ 15 કિલોમીટર દૂર છે. પરંતુ આમ છતાં ગામડામાં પાણીની ખુબ તંગી હતી. એક સમય એવો હતો કે ગ્રામીણો પાણી માટે વલખા મારતા હતાં અને આખા ગામનું ભૂગર્ભ જમીન સ્તર એકદમ નીચે જતું રહ્યું હતું. આ ગામના હેન્ડપંપ પણ બંધ હતાં. પાણીની આટલી વિકરાળ સમસ્યા જોતા અહીંના ગ્રામીણોએ જ આ સમસ્યાને દૂર કરવાનું બીડું ઉઠાવ્યું અને સરકારની મદદ વગર નદીને ઊંડી કરવામાં લાગી ગયાં. 

Local,Kanadiya Village: Water crisis had been a problem since 10 yrs. Water used to get exhausted every yr by March-April,we either used to fetch water from jungle or spend money on water tankers. After the dam was built here,all water resources are recharged,no more water crisis pic.twitter.com/4a50Bilh55

— ANI (@ANI) July 5, 2019

તમામ ગ્રામીણોએ મળીને માત્ર 20 દિવસમાં આ નદીને જીવિત કરી દીધી અને આ નદી પર એક ડેમનું નિર્માણ કરી દીધું. નદીને તેમણે 15 ફૂટ ઊંડી કરી નાખી. આ નદી પહેલા જ વરસાદથી 10 ફૂટ સુધી ભરાઈ ગઈ છે અને ભૂગર્ભ જળ પણ વધી ગયું છે. ગ્રામીણોની મહેનત એટલી રંગ લાવી કે અહીંના હેન્ડપંપ પણ પુર્નજીવિત થઈ ગયા છે. આ નદીનું નામ કંકાવતી છે જે ક્ષિપ્રામાં ભળે છે. થોડા દિવસ અગાઉ આ નદી સૂકી પડી હતી. પાણીની અછતના કારણે આ ગ્રામીણોએ કઈંક કરી બતાવવાનું નક્કી કરી દીધુ અને કામ પર લાગી ગયાં. 

જુઓ LIVE TV

આઠ હજારની વસ્તીવાળા આ ગામમાં બધાએ આ કામમાં સહયોગ આપ્યો અને ધોમધખતા તાપમાં પણ કામને અંજામ આપવામાં લાગી રહ્યાં. આ ગ્રામીણોના જણાવ્યાં મુજબ દરેક ઘરમાંથી ફાળો ઉઘરાવવામાં આવ્યો અને લોકો તેમા જોડાતા ગયાં અને આમ કારવા બનતો ગયો. લોકોએ પોતાની હેસિયત મુજબ આ નેક કામમાં મદદ કરી અને ફાળા તરીકે 20 લાખ રૂપિયા ભેગા થઈ ગયાં. આ રીતે ગ્રામીણોએ સરકારી મદદ વગર જળ સંચય યોજનાને અંજામ આપ્યો. 

હવે આ ગામમાં પહેલા જ વરસાદથી એટલું બધુ પાણી ભેગુ થઈ ગયું છે કે આખુ વર્ષ ગામવાસીઓને પાણીની તકલીફ નહીં પડે. આ ગ્રામીણોએ નદીની બંને બાજુ હરિયાળીનું ખાસ ધ્યાન રાખ્યું છે. જ્યાં લીમડો, પીપળો અને અનેક અન્ય વૃક્ષના રોપા વાવ્યા છે. જેનાથી પર્યાવરણ પણ સારું રહેશે. આ ગ્રામીણોએ ખરેખર જે કર્યું તે વખાણને લાયક છે.