Video: બોનેટ પર લટકતો રહ્યો શખ્સ, તેમ છતાં ડ્રાઈવરે પૂરપાટ ઝડપે દોડાવી કાર

Kanpur Viral Video: કાનપુરથી એક ચોંકાવનારો વીડિયો સામે આવ્યો છે, જેમાં એક વ્યક્તિને હાઈવે પર પૂરપાટ ઝડપે કારના બોનેટ પર લટકતો જોવા મળ્યો છે. સોમવારે સાંજે કાનપુરમાં એક ટ્રક અને કારની ટક્કર થતાં આ બનાવ બન્યો હતો, ત્યારબાદ કારમાં બેઠેલા યુવકો અને ડીસીએમ ડ્રાઇવર વચ્ચે ઝઘડો થયો હતો.

ગુસ્સાથી કાર ચઢાવાનો પ્રયાસ કર્યો
ગુસ્સમાં સામે ઉભેલા ટ્રક ચાલકને ટક્કર મારવાનો પ્રયાસ કર્યો, પરંતુ તે કોઈક રીતે બોનેટ ઉપર કૂદી ગયો હતો અને વાઇપરને પકડી લીધા હતા. ત્યારબાદ યુવકોએ ફ્લાયઓવર પર કારને ઝડપી દોડાવી હતી.

આ પણ વાંચો:- દેશમાં પહેલા પ્રાથમિક શાળા ખોલવામાં આવે, ત્યારબાદ સેકેન્ડરી પર વિચારઃ ICMR

કાર-ટ્રકની ટક્કર બાદ મામલો બન્યો ઉગ્ર
કાનપુરની જાજમાઉ ચોકી સામે લખનઉ-કાનપુર ફ્લાયઓવર પર ખતરનાક હરકત જોવા મળી હતી. આ ઘટના શરૂઆતમાં સ્ટંટ માનવામાં આવી હતી, પરંતુ જ્યારે પ્રત્યક્ષદર્શીઓને તેના વિશે પૂછવામાં આવ્યું ત્યારે તેઓએ કાર-ટ્રકની ટક્કરની પુષ્ટિ કરી હતી.

આ પણ વાંચો:- દેશમાં 68 ટકા જનસંખ્યા થઈ કોરોના સંક્રમિત, બાળકોમાં પણ મળી એન્ટીબોડીઃ સીરો સર્વે

કારના બોનેટ પર લટકતો રહ્યો યુવાન
બોનેટ પર લટકતો યુવક તેની જિંદગી માટે ભીખ માંગતો રહ્યો, પરંતુ ડ્રાઇવરે કોઈ દયા બતાવી નહીં અને પાંચ કિમીની ઝડપે વાહન ચલાવ્યું. આશ્ચર્યજનક દૃશ્ય જોનારા ઘણા પસાર થતા લોકોએ આ ઘટનાનો વીડિયો બનાવ્યો, જે હવે વાયરલ થઈ રહ્યો છે. આ વીડિયોથી લોકોમાં આક્રોશ ફેલાયો છે જેઓ હવે કાર ચાલક સામે કાર્યવાહી કરવાની માંગ કરી રહ્યા છે. વાયરલ થયેલા વીડિયોની નોંધ લઈ પોલીસે તપાસ પણ શરૂ કરી દીધી છે.