Hazaribagh: નદીના પુલ પરથી નીચે ખાબકી બસ, 7 લોકોના મોત; વધી શકે છે મોતનો આંકડો

Bus Accident: હઝારીબાગ બસ અકસ્માત પર CM હેમંત સોરેને દુ:ખ વ્યક્ત કરતા કહ્યું કે, તાતીઝારીયામાં પુલ પરથી બસ નીચે ખાબકતા મુસાફરોની જાનહાનિથી મન વ્યથિત છે.

Hazaribagh Bus Accident: ઝારખંડના હઝારીબાદના તાતીઝારીયા વિસ્તારના સિવાને નદી પુલ પાસે ભીષણ બસ અકસ્માત થયો છે. જેમાં 7 લોકોના મોત થયા છે. જણાવવામાં આવી રહ્યું છે કે, બસમાં કુલ 60 લોકો સવાર હતા. બસ ગિરિડીહથી રાંચી જઈ રહી હતી. આ દુર્ઘટનામાં ઘણા લોકો ઘાયલ થયા છે. હાલ રેસ્ક્યૂ ઓપરેશન ચાલી રહ્યું છે.

સીએમ સોરેને વ્યક્ત કર્યું દુ:ખ
આ દુર્ઘટના પર CM હેમંત સોરેને દુ:ખ વ્યક્ત કરતા કહ્યું કે, તાતીઝારીયામાં પુલ પરથી બસ નીચે ખાબકતા મુસાફરોની જાનહાનિથી મન વ્યથિત છે. પરમાત્મા દિવંગત આત્માઓને શાંતિ આપે અને શોકમય પરિવારોને દુ:ખના સમયમાંથી પસાર થવાની શક્તિ આપે. જિલ્લા તંત્ર દ્વારા રાહત અને બચાવ કાર્ય કરવામાં આવી રહ્યું છે. ઇજાગ્રસ્તોના જલ્દી સાજા થવાની પ્રાર્થના કરું છું.

આ પણ વાંચો:- લોકો માટે મોટી ખુશખબરી, સરકારે ઘટાડ્યો તેલ પર ટેક્સ; ભાવમાં ઘટાડો

વધી શકે છે મોતનો આંકડો
અત્યાર સુધી અપડેટ અનુસાર હઝારીબાગ દુર્ઘટનામાં 7 લોકોના મોત થયા છે આ સાથે 4 ડર્ઝનથી વધુ લોકો ઘાયલ છે. જણાવવામાં આવી રહ્યું છે કે ઘાયલોમાંથી 6 લોકોની હાલત ગંભીર છે. જેમને રિમ્સ મોકલવાની તૈયારી કરવામાં આવી રહી છે. મોતનો આંકડો હજી વધી શકે છે કેમ કે, હજુ અન્ય ઘાયલ હોસ્પિટલ પહોંચી રહ્યા છે.