Petrol Pump પર 2000 ની નોટ કાઢી તો પેટ્રોલ ભરાવ્યા બાદ બાઇકની ટાંકીમાંથી પાછું કાઢી લીધું!

Viral: આ ઘટનાની કેટલીક તસવીરો અને વીડિયો સોશિયલ મીડિયા પર ધૂમ મચાવી રહ્યા છે. જેમાં લખ્યું છે કે પેટ્રોલ પંપ પર ગ્રાહકની સ્કૂટીમાંથી કેવી રીતે પેટ્રોલ કાઢવામાં આવે છે. આ બધું એટલા માટે થયું કારણ કે ગ્રાહક પાસે બે હજાર રૂપિયાની નોટ હતી અને તે પેટ્રોલને બદલે તે જ નોટ પેટ્રોલ પંપ પર આપી રહ્યો હતો.

2000 Note: જ્યારથી રિઝર્વ બેંક ઓફ ઈન્ડિયા દ્વારા 2000ની નોટ પાછી ખેંચવાની જાહેરાત કરવામાં આવી છે ત્યારથી આખા દેશમાં આ નોટને લઈને ચર્ચા ચાલી રહી છે. જો કે બેંક દ્વારા સમય આપવામાં આવ્યો છે અને લોકો આ સમયમાં બેંકમાં બે હજારની નોટ જમા કરાવી શકશે. આ દરમિયાન ઉત્તર પ્રદેશના જાલૌનથી એક ખૂબ જ વિચિત્ર કિસ્સો સામે આવ્યો છે. બન્યું એવું કે એક વ્યક્તિ પેટ્રોલ ભરવા ગયો અને તેની સ્કૂટીમાં પેટ્રોલ નાખ્યું, પરંતુ તેણે 2000ની નોટ બતાવતા જ પેટ્રોલ પંપના કર્મચારીઓએ તેની સ્કૂટીમાંથી પેટ્રોલ કાઢી લીધું.

ગ્રાહકે 2000ની નોટ આપી તો પંપના કર્મીઓએ વાહનમાંથી કાઢી લીધું પેટ્રોલ; વીડિયો સોશિયલ મીડિયામાં વાયરલ #Rs2000CurrencyNote #Viral #ViralVideo #Trending #TrendingNow pic.twitter.com/H9HDa2wNt1

— Zee 24 Kalak (@Zee24Kalak) May 23, 2023

મીડિયા રિપોર્ટ્સ અનુસાર, આ  મામલો જાલૌનના એક પેટ્રોલ પંપનો છે. એક યુવક પોતાની સ્કૂટી લઈને આ પેટ્રોલ પંપ પર પેટ્રોલ ભરવા પહોંચ્યો અને તેને તેની સ્કૂટીમાં 400 રૂપિયાનું પેટ્રોલ ભર્યું. આ પછી તેણે 2 હજારની નોટ આપી, તો પેટ્રોલ પંપ પરથી કહેવામાં આવ્યું કે તેની પાસે ચેન્જના પૈસા નથી. આમાં વિવાદ વધી ગયો અને પેટ્રોલ પંપના કર્મચારીઓએ તેને છૂટા આપવાની ના પાડી દીધી અને આટલું કહીને તેની સ્કૂટીમાંથી પેટ્રોલ કાઢવાનું શરૂ કર્યું.

યુવકે રોક્યા બાદ પણ પેટ્રોલ પંપના કર્મચારીઓ રાજી ન થતાં જેટલું પેટ્રોલ ભર્યું હતું તે કાઢી લેવામાં આવ્યું હતું.  આ ઘટનાનો વીડિયો વાયરલ થયો છે. તે યુવકનું કહેવું છે કે બે હજારની નોટના કારણે આવું બન્યું છે. અન્ય મીડિયા રિપોર્ટ અનુસાર, જ્યારે આ ઘટનાનો વીડિયો સોશિયલ મીડિયા પર વાયરલ થયો ત્યારે સંબંધિત જિલ્લાના અધિકારીઓ સાથે પણ વાત કરવામાં આવી. તેમણે કહ્યું કે તેમને હાલમાં કોઈ ફરિયાદ મળી નથી, જો કોઈ ફરિયાદ આવશે તો તેના પર આગળની કાર્યવાહી કરવામાં આવશે.

જણાવી દઈએ કે ભારતીય રિઝર્વ બેંકે 2 હજારની નોટને લઈને લોકોને સમયની છૂટ આપી છે. 30 સપ્ટેમ્બર 2023 સુધીનો સમય આપવામાં આવ્યો છે, આ સમયની અંદર લોકોએ તેમની 2000ની નોટ બેંકમાં જમા કરાવવાની રહેશે.