PM નરેન્દ્ર મોદીની સુરક્ષામાં ક્ષતિ પર ગૃહ મંત્રાલય કડક, તપાસ માટે બનાવી કમિટી

પ્રધાનમંત્રી નરેન્દ્ર મોદીની સુરક્ષામાં ક્ષતિના મામલે ગૃહ મંત્રાલય એક્શન મોડમાં આવ્યું છે. ગૃહ મંત્રાલયે પીએમના કાફલામાં ક્ષતિને લઈને ઉચ્ચ સ્તરીય સમિતિની રચના કરી છે.

નવી દિલ્હીઃ ગૃહ મંત્રાલયે પ્રધાનમંત્રી નરેન્દ્ર મોદીના પ્રવાસ દરમિયાન સુરક્ષામાં થયેલી ચુકની તપાસ માટે એક કમિટીની રચના કરી છે. ત્રણ સભ્યોવાળી આ કમિટીનું નેતૃત્વ કેબિનેટ સચિવાલય સચિવ (સુરક્ષા) સુધીર કુમાર સક્સેના કરશે. આ સિવાય કમિટીમાં આઈસીના જોઈન્ટ ડાયરેક્ટર બલબીર સિંહ અને એસજીપી આઈજી એસ સુરેશ સામેલ છે. 

મહત્વનું છે કે પંજાબના પ્રવાસે ગયેલા પ્રધાનમંત્રી નરેન્દ્ર મોદીની સુરક્ષામાં બુધવારે તે સમયે ગંભીર ચુકના ઘટના થઈ, જ્યારે ફિરોઝપુરમાં કેટલાક પ્રદર્શનકારીઓએ તે રોડ માર્ગે અવરોધ ઉભો કરી દીધો, જ્યાંથી તેમણે પસાર થવાનું હતું. આ કારણે પ્રધાનમંત્રી એક ફ્લાઈઓવર પર આશરે 20 મિનિટ સુધી ફસાયેલા રહ્યા. ઘટના બાદ પ્રધાનમંત્રી કોઈ કાર્યક્રમમાં સામેલ થયા વગર દિલ્હી પરત ફરી ગયા હતા. 

The three-member committee will be led by Shri Sudhir Kumar Saxena, Secretary (Security), Cabinet Secretariat and comprising of Shri Balbir Singh, Joint Director, IB and Shri S. Suresh, IG, SPG.

The committee is advised to submit the report at the earliest.

— Spokesperson, Ministry of Home Affairs (@PIBHomeAffairs) January 6, 2022

કેન્દ્ર સરકારે આ ઘટના માટે પંજાબની કોંગ્રેસ સરકારને જવાબદાર ઠેરવી છે અને તેમની પાસે રિપોર્ટ માંગ્યો છે. કેન્દ્રીય ગૃહ મંત્રાલયે રાજ્ય સરકારને તત્કાલ રિપોર્ટ રજૂ કરવાનો નિર્દેશ આપતા કહ્યુ કે, તેણે જરૂરી તૈનાતી ન કરી, જ્યારે ગૃહ મંત્રી અમિત શાહે કહ્યુ કે, પ્રધાનમંત્રીની યાત્રા દરમિયાન સુરક્ષા પ્રક્રિયામાં આ પ્રકારની બેદરકારી સંપૂર્ણ પણે અસ્વીકાર્ય છે અને જવાબદારી નક્કી કરવામાં આવશે. 

આ પણ વાંચોઃ દેશમાં ફરી વધી રહ્યાં છે કોરોના કેસ, AIIMS ડાયરેક્ટર ગુલેરિયાએ કહ્યુ- ભૂલથી પણ ન કરો આ ભૂલ

પરંતુ પંજાબના મુખ્યમંત્રી ચરણજીત સિંહ ચન્નીએ કહ્યુ કે, પ્રધાનમંત્રીની સુરક્ષામાં કોઈ ચુક થઈ નથી અને તેની પાછળ કોઈ રાજકીય ઈરાદો નહોતો. તેમણે કહ્યું કે, પ્રધાનમંત્રીના કાર્યક્રમમાં અચાનક થયેલા ફેરફારને કારણે આ ઘટના થઈ અને પ્રધાનમંત્રીના જીવન પર ખતરા જેવી કોઈ સ્થિતિ નહોતી. મુખ્યમંત્રીએ ઘટનાની ઉંડાણથી તપાસ કરવા માટે એક સમિતિની રચના કરી છે. સેવાનિવૃત્ત ન્યાયમૂર્તિ મેહતાબ સિંહ ગિલ અને મુખ્ય સચિવ, ગૃહ મામલા તથા ન્યાય, અનુરાગ વર્માને ત્રણ દિવસની અંદર રિપોર્ટ સોંપવાનું કહ્યું છે.