Firing on Sidhu Moosewala: ગાયક સિદ્ધુ મૂસેવાલાની ગોળી મારી હત્યા, માનસા જિલ્લામાં થયું ફાયરિંગ

Sidhu Moosewala News: પંજાબી ગાયક સિદ્ધુ મૂસેવાલા પર કથિત રીતે માનસાના જવાહરપુર ગામમાં ગોળી મારી હત્યા કરી દેવામાં આવી છે.

ચંદીગઢઃ પંજાબી ગાયક સિદ્ધુ મૂસેવાલાને કથિત રીતે માનલા ગામમાં ગોળી મારવામાં આવી છે. ગંભીર હાલતમાં તેને હોસ્પિટલમાં દાખલ કરવામાં આવ્યો, જ્યાં ડોક્ટરોએ તેના મોતની પુષ્ટિ કરી છે. આ ઘટના પંજાબ પોલીસ દ્વારા મૂસેવાલા સહિત 24 લોકોની સુરક્ષા પરત લેવાના એક દિવસ બાદ થઈ છે. 

સિદ્ધુ મૂસેવાલાએ પંજાબ વિધાનસભાની ચૂંટણી કોંગ્રેસની ટિકિટ પર માનસાથી લડી હતી અને તેને આપ ઉમેદવાર વિજય સિંહલાએ 63 હજાર મતોથી હરાવ્યા હતા. વિજય સિંગલાને હાલમાં પંજાબના મુખ્યમંત્રી ભગવંત માને ભ્રષ્ટાચારના આરોપમાં સસ્પેન્ડ કરી દીધા હતા. 

#WATCH | Punjabi singer Sidhu Moose Wala was shot by unknown people in Mansa district, Punjab. Further details awaited. pic.twitter.com/suuKT20hEj

— ANI (@ANI) May 29, 2022

પાછલા મહિને સિદ્ધૂ મૂસેવાલાએ પોતાના નવા ગીત બલિ કા બકરામાં આમ આદમી પાર્ટી અને તેના સમર્થકોને નિશાન બનાવ્યા બાદ એક વિવાદ ઉભો થઈ ગયો હતો. ગાયકે કથિત રીતે ગીતમાં આપ સમર્થકોને ગદ્દાર (દેશદ્રોહી) કહ્યા હતા.