ભાજપના સાંસદ મનોજ તિવારી સાથે ધક્કા-મુક્કી, પોલીસે બાઇક પર બેસાડી નિકળ્યા; જુઓ Viral Video

Manoj Tiwari Scuffle Video: ઉત્તર પ્રદેશ વિધાનસભા ચૂંટણીના પ્રચાર દરમિયાન વિપક્ષ અને નેતાઓ સાથે મારામારીના અહેવાલો સામે આવ્યા છે. હવે આ યાદીમાં બીજેપી સાંસદ મનોજ તિવારીનું નામ પણ સામેલ થઈ ગયું છે. તેની સાથે ઝપાઝપીનો એક વીડિયો સોશિયલ મીડિયા પર ઝડપથી વાયરલ થઈ રહ્યો છે.

મનોજ તિવારી દેવરિયામાં કરી રહ્યા હતા પ્રચાર
ભાજપના સાંસદ મનોજ તિવારી ભાજપના ઉમેદવારોના પ્રચારમાં વ્યસ્ત છે. આ ક્રમમાં બુધવારે તેઓ યુપીના દેવરિયામાં હતા. તેમણે દેવરિયાના બરહાજ વિધાનસભા ક્ષેત્રમાંથી ભાજપના ઉમેદવાર માટે પ્રચાર કરવાનો હતો.

મનોજ તિવારી સાથે લોકોની બોલાચાલી
બરહાજ વિધાનસભા ક્ષેત્રમાં તેઓ અલગ-અલગ જગ્યાએ લોકો સાથે મુલાકાત કરી રહ્યા હતા અને ઉમેદવારને જીતાડવાની અપીલ કરી રહ્યા હતા. આ દરમિયાન લોકોની ભીડમાં કેટલાક અરાજક તત્વો સાથે તેની બોલાચાલી થઈ હતી.

#UttarPradeshElections

भाजपा सांसद मनोज तिवारी के साथ यूपी के देवरिया की बरहज विधान सभा क्षेत्र में की गई धक्का-मुक्की. पुलिस घेरे में उन्हें वहां से सुरक्षित निकाला गया#ManojTiwari #LiveUpdates - https://t.co/asaJAvmeIt pic.twitter.com/tjXS0YJ8zW

— Zee News (@ZeeNews) February 23, 2022

રોષે ભરાયેલા ટોળાએ ભાજપના સાંસદ સાથે કરી હતી ધક્કા-મુક્કી
જોતજોતામાં લોકોના ટોળાએ તેમને ઘેરી લીધા અને વાતાવરણ તંગ બની ગયું. પછી ભીડમાંથી ઘણા લોકો તેની તરફ જવા લાગ્યા. બચાવ દરમિયાન મનોજ તિવારી અને લોકો વચ્ચે ધક્કા-મુક્કી થઈ હતી. મામલો વધતો જોઈને સ્થળ પર હાજર પોલીસકર્મીઓએ ભાજપના સાંસદને સુરક્ષામાં લઈ લીધા હતા.

પોલીસની બાઇક પર બેસીને ત્યાંથી નીકળી ગયા
લોકોનો ગુસ્સો જોઈને પોલીસે મનોજ તિવારીને બાઇક પર બેસાડીને ત્યાંથી નિકાળવા પડ્યા હતા. આ સમગ્ર ઘટનાનો વીડિયો સોશિયલ મીડિયા પર ઝડપથી વાયરલ થઈ રહ્યો છે. આ મામલે ભાજપ તરફથી હજુ સુધી કોઈ સત્તાવાર નિવેદન બહાર આવ્યું નથી.

(ઇનપુટ- પ્રતિક વાજપેયી)