Jammu and Kashmir: સુરક્ષાદળોને મળી મોટી સફળતા, અલ બદ્ર ચીફ આતંકી ગની ખ્વાજા ઢેર

જમ્મુ-કાશ્મીર પોલીસે કહ્યુ કે, માર્યા ગયેલા આતંકવાદીની પાસેથી હથિયારો અને દારૂ-ગોળા સહિત અન્ય સામગ્રી મળી છે. સર્ચ ઓપરેશન ચાલી રહ્યું છે.

જમ્મુ-કાશ્મીરઃ કેન્દ્ર શાસિત પ્રદેશ જમ્મુ કાશ્મીરના સોપોર સ્થિત તુજ્જર સ્થિત શરીફમાં આતંકવાદીઓ અને સુરક્ષાદળો વચ્ચે અથડામણ શરૂ થઈ છે. પોલીસ અને સુરક્ષાદળોને મંગળવારે સાંજે જાણકારી મળી કે તુજ્જર શરીફમાં આતંકવાદી છુપાયેલા છે. તેમણે આ વિસ્તારમાં ઘેરાબંધી કરી હતી. આતંકવાદીઓ ત્યારબાદ ફાયરિંગ શરૂ કર્યુ હતું. પ્રાપ્ત જાણકારી અનુસાર બન્ને તરફથી ફાયરિંગ કરવામાં આવી રહ્યું છે. 

Sopore police killed Al-Badre Chief Ganie Khwaja (in pic) in an encounter just now. A big success: IGP Kashmir Vijay Kumar pic.twitter.com/31PFqjFDMA

— ANI (@ANI) March 9, 2021

જમ્મુ કાશ્મીર પોલીસે પણ ટ્વીટ કરતા અથડામણના સંબંધમાં જાણકારી આપતા કહ્યુ કે, પોલીસ અને આતંકવાદીઓ વચ્ચે અથડામણ ચાલી રહી છે. કાશ્મીરના આઈજીપી વિજય કુમારે જણાવ્યુ કે, બન્ને તરફથી જારી અથડામણમાં આતંકવાદી સંગઠન અલ-બદરનો ડિવીઝનલ કમાન્ડર ગનઈ ખ્વાજા માર્યો ગયો છે. શરૂઆતી તબક્કામાં એવી જાણકારી મળી રહી છે કે સુરક્ષાદળોએ બેથી ત્રણ આતંકવાદીઓની ઘેરાબંધી કરી છે. આતંકવાદીઓની સંખ્યા તેનાથી વધુ હોઈ શકે છે.