Twitter માં મોટો ફેરફાર, PM મોદી, અમિત શાહ સહિત ઘણા લોકોના એકાઉન્ટમાંથી બ્લૂ ટિક ગાયબ

Twitter પર એક મોટો ફેરફાર થયો છે. કંપીએ પોતાના નવા ફીચરને આજે જારી કર્યું છે. તેનાથી પ્રધાનમંત્રી નરેન્દ્ર મોદી, ગૃહમંત્રી અમિત શાહ અને બીજા ઘણા લોકોના એકાઉન્ટ્સની સામે બ્લૂ ટિક હટી ગયું છે. તેની જગ્યાએ બીજુ ટિક આપવામાં આવી રહ્યું છે.

નવી દિલ્હીઃ Twitter પર એલોન મસ્ક ઘણા ફેરફાર કરી રહ્યાં છે. તેમણે Twitter Blue સબ્સક્રિપ્શન ફીચર જારી કર્યું છે. આ સિવાય ટિકને પણ ત્રણ કલરમાં આપવામાં આવી રહ્યું છે. પહેલા માત્ર બ્લૂ ટિક આપવામાં આવતું હતું. તેમાં ફેરફારની અસર આજે દેખાવા લાગી છે. ભારતના પ્રધાનમંત્રી નરેન્દ્ર મોદીના એકાઉન્ટમાંથી બ્લૂ ટિક હટી ગયું છે. 

પરંતુ તેનો અર્થ એવો નથી કે તેમનું એકાઉન્ટ વેરિફાઇડ નથી. તેમના નામની આગળ હવે ગ્રે કલરનું ટિક દેખાવા લાગ્યું છ. એકાઉન્ટ હેન્ડલની નીચે India Government Official નો ટેગ ગ્રે કલરમાં જોવા મળી રહ્યો છે. આ ફેરફાર નવી વેરિફિકેશન સિસ્ટમ હેઠળ કરવામાં આવી રહ્યો છે. 

આ પણ વાંચોઃ Shraddha Murder Case: SIT કરશે શ્રદ્ધા હત્યાકાંડની તપાસ, દેવેન્દ્ર ફડણવીસની જાહેરાત

અમિત શાહના એકાઉન્ટની આગળ ગ્રે ટિક
ભારતના પ્રધાનમંત્રી નરેન્દ્ર મોદી સિવાય ગૃહમંત્રી અમિત શાહ, નિતિન ગડકરી, પીયૂષ ગોયલના એકાઉન્ટમાં પણ બ્લૂ ટિક હટી ગયું છે. તેમના નામની આગળ હવે ગ્રે કલરનું ટિક જોવા મળશે. કંપનીએ પહેલાં જ સ્પષ્ટ કરી દીધુ હતું કે ગ્રે ટિક માત્ર સરકાર સાથે જોડાયેલા લોકોને આપવામાં આવશે. 

પરંતુ હજુ રાજ્યોના મુખ્યમંત્રીઓને ગ્રે ટિક આપવામાં આવી રહ્યું નથી. તે સ્પષ્ટ નથી કે ભારતમાં વિપક્ષના નેતાઓની સાથે ગ્રે ટિક લાગશે કે નહીં. કંપનીએ પોતાની પોલિસી પાછલા સપ્તાહે બદલી હતી. તેનાથી બિઝનેસ એકાઉન્ટને ગોલ્ડ ટિક આપવામાં આવી રહ્યું છે. 

જ્યારે સરકારના એકાઉન્ટને ગ્રે અને સામાન્ય યૂઝર્સને બ્લૂ ટિક સબ્સક્રિપ્શન લેવા પર આપવામાં આવશે. આ ફીચરને કંપની ધીમે-ધીમે રોલઆઉટ કરી રહી છે. એટલે કે આવનારા સમયમાં બીજા એકાઉન્ટમાં ગ્રે ટિક જોવા મળશે.