J&K: અનંતનાગમાં સુરક્ષાદળોએ બે આતંકીઓને ઠાર કર્યાં, સર્ચ ઓપરેશન ચાલુ

નવી દિલ્હી: જમ્મુ અને કાશ્મીરના અનંતનાગમાં સુરક્ષાદળોને આજે મોટી સફળતા મળી છે. સુરક્ષાદળોએ અનંતનાગના બિજબેહરાના બગેંદર મોહલ્લામાં બે આતંકીઓને અથડામણમાં ઠાર કર્યા છે. આતંકીઓ સાથે આ અથડામણ સવારે શરૂ થઈ હતી. કહેવાય છે કે માર્યા ગયેલા બંને આતંકીઓ હિજબુલ મુજાહિદ્દીન સાથે જોડાયેલા હતાં. સુરક્ષાદળોને એન્કાઉન્ટરની જગ્યાએથી મોટા પ્રમાણમાં હથિયારો અને ગોળાબારૂદ મળી આવ્યાં છે. આ અંગે પોલીસે કેસ પણ દાખલ કર્યો છે. 

મળેલી માહિતી મુજબ સુરક્ષાદળોને વિસ્તારમાં આતંકીઓ છૂપાયેલા હોવાની બાતમી મળી હતી. ત્યારબાદ વિસ્તારમાં સર્ચ ઓપરેશન ચલાવવામાં આવ્યું. 

જુઓ LIVE TV

આ દરમિયાન આતંકીઓએ સુરક્ષાદળો પર ફાયરિંગ શરૂ કરી દીધું. સુરક્ષાદળોની જવાબી કાર્યવાહીમાં બંને આતંકીઓ ઠાર થયા. જો કે વિસ્તારમાં સતત સર્ચ ઓપરેશન ચાલુ છે.