VIDEO: ગાઝિયાબાદમાં દબંગ કારચાલકે વ્યક્તિને બોનેટ પર લટકાવી 2 કિમી સુધી કાર દોડાવી

નવી દિલ્હી: ગાઝિયાબાદમાં રોડરેજનો એક કેસ સામે આવ્યો છે. ઈન્દિરાપુરમમાં કાર ચાલકની દબંગાઈ તો જુઓ... એક વ્યક્તિને પોતાની કારના બોનેટ પર લટકતો રાખીને બે કિમી સુધી કાર ભગાડી. આ આખી ઘટનાનો વીડિયો ત્યાં હાજર વાહનચાલકોએ પોતાના મોબાઈલમાં ઉતારી લીધો. હાલ આ વીડિયો વાઈરલ થઈ ગયો છે. વીડિયોમાં સ્પષ્ટપણે જોઈ શકા છેકે બોનેટ પર લટકેલો આ વ્યક્તિ પોતાનો જીવ બચાવવા માટે બચાવો બચાવોની બૂમો પાડી રહ્યો છે. પોલીસે આ મામલે એફઆઈઆર દાખલ કરીને કાર્યવાહી કરી હોવાનો દાવો કરી રહી છે. 

ભોગ બનેલી વ્યક્તિએ જણાવ્યું કે આ કારે પહેલા તેને ટક્કર મારી. ત્યારબાદ બચવા માટે તે કૂદીને કારના બોનેટ પર જઈને પડ્યો. પછી કાર ચાલકે પૂરપાટ ઝડપે કારને લગભગ 2 કિમી સુધી દોડાવી. આ દરમિયાન કાર ચાલકે ચાલુ કારને કેટલાક ઝટકા પણ લગાવ્યા. જેથી કરીને તે વ્યક્તિ ત્યાં પડી જાય. પરંતુ તેણે મજબુતાઈથી કાર પકડી હતી આથી તે બચી ગયો.