Shocking! પુત્રએ એવો કચકચાવીને વૃદ્ધ માતાને લાફો માર્યો, માતા મોતને ભેટી, ઘટના CCTV માં કેદ

આ આઘાતજનક ઘટનાનો VIDEO જોઈને ભલ ભલા કઠણ કાળજાની વ્યક્તિને પણ આંસુડા સરી પડશે. પુત્રનો એક લાફો માતાના મોતનું કારણ બન્યો. ઘટના સીસીટીવીમાં કેદ થઈ ગઈ.

નવી દિલ્હી: કહેવાય છે કે જ્યાં ભગવાન ન પહોંચી શકે ત્યાં ભગવાને માતાનું સર્જન કર્યું છે. માતાની શીતળ છાયામાં છોકરાઓ કોઈ પણ વિધ્નથી દૂર રહીને ઉછરે છે. એક માતા પોતાના બાળકો માટે ગમે તે સમસ્યાની સામે ઊભી રહી જાય છે. પરંતુ જ્યારે આ માતાના મોતનું નિમિત તેનો જ પુત્ર બને ત્યારે શું હાલત થાય. 

આવો જ કઈંક દિલ્હીના દ્વારકા વિસ્તારમાં 15મી માર્ચના રોજ બનાવ સામે આવ્યો. બપોરે લગભગ 12.30 વાગે એક એવી શરમજનક ઘટના ઘટી કે જોનારાના કાળજા કંપી જાય. રણવીર નામના વ્યક્તિએ પોતાની વૃદ્ધ માતા અવતાર કૌરને પરસ્પર વિવાદને પગલે એવો તે જોરદાર લાફો માર્યો કે બીચારી વૃદ્ધ માતાનું ઘટનાસ્થળે જ મોત નિપજ્યું. 

જુઓ ઘટનાનો હચમચાવી નાખે તેવો video

પોલીસે આ કળિયુગી પુત્રની ધરપકડ કરી લીધી છે. પુત્ર રણવીરે જ્યારે માતાને લાફો માર્યો તે ઘટના ત્યાં લાગેલા સીસીટીવીમાં કેદ થઈ ગઈ. આ ઘટનાનું સીસીટીવી ફૂટેજ હાલ સોશિયલ મીડિયામાં ખુબ વાયરલ થઈ રહ્યું છે. લોકો આ કળિયુગી પુત્ર પર ફિટકાર વરસાવી રહ્યા છે.