)
Maharastra News : મહારાષ્ટ્રમાં વિધાનસભાની ચૂંટણીના પરિણામ મહાયુતિના પક્ષમાં આવ્યા. તેના પછી સૌથી મોટો સવાલ એ થઈ રહ્યો છે કે મહારાષ્ટ્રમાં નવા મુખ્યમંત્રી કોણ બનશે? દેવેન્દ્ર ફડણવીસના નેતૃત્વમાં ભાજપે ઐતિહાસિક સફળતા હાંસલ કરી છે. પરંતુ શું તેમને મુખ્યમંત્રી પદ સુધીની ઉડાન મળશે ખરી?. શું શિવસેનાના શિંદે ફરીથી મુખ્યમંત્રીની ખુરશી સંભાળશે?
દેવેન્દ્ર ફડણવીસના નેતૃત્વમાં ભારતીય જનતા પાર્ટીએ મહારાષ્ટ્રમાં અત્યાર સુધીનું શાનદાર પ્રદર્શન કર્યુ. જેનાથી એવી અટકળો શરૂ થઈ ગઈ છેકે દેવેન્દ્ર ફડણવીસ મહારાષ્ટ્રના નવા મુખ્યમંત્રી બનશે. એનસીપીના અજીત પવારની સાથે મળીને તેમણે સરકાર રચવાનો દાવો કર્યો અને રાજ્યપાલની સામે મુખ્યમંત્રી પદના શપથ લઈ લીધા. પરંતુ 80 કલાક ચાલેલી તે સરકારમાંથી વિદાય લેવી પડી ત્યારે તેમણે વિધાનસભામાં કહ્યું હતું કે હું સમુદ્ર છું, પાછો જરૂર આવીશ. હવે દેવેન્દ્ર ફડણવીસ, અજીત પવાર અને એકનાથ શિંદેની ત્રિપુટીએ કમાલ કરી દીધી અને રાજ્યમાં મહાયુતિનો પ્રચંડ બહુમત સાથે વિજય થયો છે. જેમાં ભાજપના ભવ્ય વિજયનો શ્રેય દેવેન્દ્ર ફડણવીસની મહેનતને જાય છે. કેમ કે...
જોકે હવે સૌથી મોટો સવાલ એ છે કે શું ભાજપ હાઈકમાન્ડ દેવેન્દ્ર ફડણવીસને મુખ્યમંત્રી બનાવશે? દેવેન્દ્ર ફડણવીસ બાદ સૌથી મોટું નામ હાલના મુખ્યમંત્રી એકનાથ શિંદેનું છે, જેઓ શિવસેનામાંથી આવે છે. તેમના 9 સાંસદ કેન્દ્ર સરકારને સમર્થન આપી રહ્યા છે. અને વિધાનસભામાં તેમણે ઓછી બેઠકો પર લડવા છતાં 57 બેઠકો મેળવી છે. એટલે ગઠબંધનમાં હોવાના કારણે તે પણ મુખ્ય દાવેદાર છે. ગઈ વખતે ભાજપ પાસે 105 બેઠકો હોવા છતાં સરકાર બનાવવા માટે શિવસેનાના એકનાથ શિંદેને મુખ્યમંત્રી બનાવ્યા હતા. અને દેવેન્દ્ર ફડણવીસને નાયબ મુખ્યમંત્રી બનવું પડ્યું હતું. ત્યારે આ વખતે શું આ બંનેમાંથી કોઈ નામ આવશે કે પછી કોઈ સરપ્રાઈઝ નામ તેના પર બધાની નજર રહેશે.
મહારાષ્ટ્રમાં મતદારોએ કયા પક્ષને કેટલી બેઠક આપી તેની વાત કરીએ તો...
મહારાષ્ટ્રની ચૂંટણીના પરિણામ અનેક પાર્ટી માટે ઉતાર-ચઢાવ લઈને આવ્યા... જેમાં કેટલાંક રાજકીય નેતાઓએ પોતાની શાખ બચાવી લીધી તો કેટલાંક પરાજયનો સામનો કરવો પડ્યો... ત્યારે વીઆઈપી બેઠક પરના પરિણામો પર નજર કરીએ તો...
મહારાષ્ટ્રના પરિણામોએ રાજકીય પંડિતોને પણ ચોંકાવી દીધા છે... જેણે મહાયુતિને બમ્પર જીત આપી છે.. જ્યારે મહાવિકાસ અઘાડીને કારમો પરાજય આપ્યો છે... ત્યારે એ જોવાનું રહેશે કે મહાયુતિની સરકાર કેવી રીતે મહારાષ્ટ્રને વિકાસના માર્ગે લઈ જાય છે...
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે
Newsletter
