Zee Sammelan: પેટ્રોલ-ડીઝલ પર મોદી સરકારે રાહત આપી પણ વિપક્ષી સરકારોએ વેટ ઘટાડ્યો નહીં- હરદીપસિંહ પુરી

Zee Sammelan 2022: ઝી સંમેલન 2022ના 'તેલ કા મહેંગા ખેલ' માં કેન્દ્રીય પેટ્રોલિયમ મંત્રી હરદીપ સિંહ પુરીએ ભાગ લીધો. હરદીપ સિંહ પુરીએ ઝી ન્યૂઝના મંચ પર ઓઈલના વધતા ભાવ પર સંવાદ કર્યો અને આવનારા દિવસોમાં ઓઈલને લઈને ઊભા થનારા પડકારો પર પોતાની વાત રજૂ કરી. 

હરદીપ સિંહ પુરીએ કહ્યું કે આખી દુનિયા સામે હાલ જે પડકારો છે તેમાંથી ઓઈલના વધતા ભાવ પણ એક છે. છેલ્લા 2 વર્ષ મહામારીના કારણે ગ્લોબલ ઈકોનોમી એક્ટિવિટી પર રોક લાગી ગઈ હતી. 2022માં જ્યારે દુનિયાભરમાં લોકડાઉન હતું ત્યારે ભારતમાં લોકડાઉન નહતું. તે સમયે ઓઈલનો ભાવ 19 ડોલર અને 56 સેન્ટ હતો. ઓઈલની માંગણી નહતી ત્યારે તેના લીધે ભાવ પણ ઘટી ગયા હતા હાલના દિવસોમાં માંગણી વધવાથી અને રશિયા-યુક્રેન યુદ્ધના કારે ઓઈલના ભાવ 120 ડોલરથી પણ વધી ગયા. 

હરદીપ સિંહે કહ્યું કે દુનિયાના મોટાભાગના દેશોમાં ઓઈલને લઈને પડકારો વધી રહ્યા છે. જો ક્રૂડ ઓઈલનો ભાવ 120 ડોલર પ્રતિ બેરલ રહ્યો તો પડકારો હજુ વધી શકે છે. જો રશિયા પાસેથી ઓઈલ નહીં ખરીદીએ તો કોની પાસેથી ખરીદશું? પહેલા આપણે સાઉદી અરબ અને યુએઈ પાસેથી ઓઈલ ખરીદતા હતા પરંતુ જો ભાવ વધ્યા તો આપણે વિચારવું તો પડશે જ. 

देश में 6 करोड़ लोग रोजाना पेट्रोल पंप पर तेल भरवाने जाते हैं. मोदी सरकार की कोशिश है कि लोगों को कम कीमत में पेट्रोल-डीजल मिले. #ZeeSammelan @HardeepSPuri @AnilSinghvi_ #Live - https://t.co/NjigWVRlFE pic.twitter.com/GjwipkyCik

— Zee News (@ZeeNews) June 25, 2022

સરકારે બેવાર લોકોને રાહત આપી
હરદીપ સિંહ પુરીએ કહ્યું કે દેશમાં 6 કરોડ લોકો રોજ પેટ્રોલ પંપ પર ઓઈલ ભરાવવા જાય છે. મોદી સરકારની કોશિશ છે કે લોકોને ઓછા ભાવે પેટ્રોલ-ડીઝલ મળે. આ માટે કેન્દ્ર સરકારે બેવાર પેટ્રોલ અને ડીઝલ પર એક્સાઈઝ ડ્યૂટી ઘટાડી. ભાજપ શાસિત રાજ્ય સરકારોએ પણ વેટ ઘટાડ્યો. પરંતુ વિપક્ષી સરકારોએ ઓઈલના ભાવમાં વેટમાં ઘટાડો કર્યો નહીં.