HRથી IT સુધી...5 વર્ષમાં આ 8 નોકરીઓ છીનવી લેશે AI ! રિપોર્ટમાં સનસનાટીભર્યો ખુલાસો

AI Jobs Future : UNCTADએ એપ્રિલ 2025માં એક અહેવાલમાં જણાવ્યું હતું કે વિશ્વભરમાં લગભગ 40% નોકરીઓ AIના કારણે પ્રભાવિત થઈ શકે છે. આમાંની કેટલીક નોકરીઓ સંપૂર્ણપણે ખતમ શકે છે, જ્યારે કેટલીકની પ્રકૃતિ બદલાઈ જશે. અહેવાલમાં એમ પણ કહેવામાં આવ્યું છે કે પુરુષો કરતાં મહિલાઓની નોકરીઓ વધુ જોખમમાં હોઈ શકે છે.

AI Jobs Future : આજના સમયમાં આર્ટિફિશિયલ ઇન્ટેલિજન્સ (AI) આપણા રોજિંદા જીવનનો એક ભાગ બની રહ્યું છે. હવે ફક્ત સામાન્ય કામ જ નહીં, પરંતુ AIને કારણે અનેક પ્રકારની નોકરીઓ પણ જોખમમાં છે. સંયુક્ત રાષ્ટ્રની સંસ્થા UNCTADએ એપ્રિલ 2025માં એક અહેવાલમાં જણાવ્યું હતું કે વિશ્વભરમાં લગભગ 40% નોકરીઓ AIથી પ્રભાવિત થઈ શકે છે. મેકકિન્સે એન્ડ કંપની જેવી મોટી કન્સલ્ટિંગ ફર્મ માને છે કે આગામી પાંચ વર્ષમાં ઓટોમેશનની અસર વધુ વધશે. ત્યારે જાણી લઈએ કે કઈ 8 નોકરીઓને AI આગામી સમયમાં અસર કરી શકે છે.

1. HRની નોકરી

IBM જેવી કંપનીઓ હવે AIની મદદથી ભરતી સંબંધિત કામ કરી રહી છે. CV સોર્ટલિસ્ટ કરવાનું, ઉમેદવારોની પ્રોફાઇલ તપાસવાનું કામ હવે AI દ્વારા કરવામાં આવી રહ્યું છે. IBMના CEO અરવિંદ કૃષ્ણાએ જણાવ્યું હતું કે AI હવે તેમની કંપનીમાં સેંકડો HR કર્મચારીઓનું કામ કરી રહ્યું છે.

2. ડ્રાઇવરો અને ડિલિવરી વર્કર્સ

સેલ્ફ-ડ્રાઇવિંગ કાર પર કામ થઈ રહ્યું છે અને ભવિષ્યમાં કેબ ડ્રાઇવરો અથવા ડિલિવરી બોયની જરૂરિયાત ઘટી શકે છે. જોકે, ભારતમાં રોડ ઇન્ફ્રાસ્ટ્રક્ચર અને નિયમોને કારણે, આ ફેરફાર ટૂંક સમયમાં આવશે નહીં. કેન્દ્રીય મંત્રી નીતિન ગડકરીએ એમ પણ કહ્યું છે કે ભારતમાં ડ્રાઇવરલેસ કારને મંજૂરી આપવામાં આવશે નહીં.

3. IT અને કોડિંગ નોકરીઓ

હવે કોડિંગ ટેકનિકલ જ્ઞાન વિના પણ કરી શકાય છે, જે એન્ટ્રી-લેવલ IT નોકરીઓ ઘટાડી શકે છે. Google, Microsoft અને OpenAI જેવી કંપનીઓ પહેલાથી જ આ દિશામાં કામ કરી રહી છે.

4. સાયબર સુરક્ષા અને એટેક

AIનો ઉપયોગ ફક્ત સુરક્ષામાં જ નહીં, પરંતુ સાયબર એટેકમાં પણ થઈ રહ્યો છે. જેનાથી ખતરો વધુ જટિલ થઈ શકે છે.

5. સેલ્સ અને કસ્ટમર્સ સર્વિસ 

AI ટૂલ્સ હવે ગ્રાહકો સાથે વાત કરવા, મેસેજ મોકલવા અને ડેટા વિશ્લેષણ જેવા કાર્યો કરી રહ્યા છે. ક્લાર્ના જેવી કંપનીએ જણાવ્યું હતું કે તેમના AI સહાયકે 2024માં લગભગ 23 લાખ ગ્રાહકો સાથે વાતચીતો કરી છે, જે લગભગ 700 માણસોની બરાબર છે.

6. રિટેલ અને રેસ્ટોરન્ટ વર્કર્સ

સેલ્ફ-ચેકઆઉટ મશીનો, સ્ટોક મેનેજમેન્ટ અને રોબોટ્સે દુકાનો અને રેસ્ટોરન્ટમાં કામ બદલી નાખ્યું છે. ભારતમાં, ડેકાથલોન અને મેકડોનાલ્ડ્સ જેવા સ્થળોએ આ ટેકનોલોજીનો ઉપયોગ થઈ રહ્યો છે.

7. ઓફિસ કોમ્યુનિકેશન - ઈમેલ, રિપોર્ટ્સ

AI હવે રોજિંદા કાર્યો જેમ કે ઈમેલ લખવા, રિપોર્ટ તૈયાર કરવા કરી શકે છે. ક્લાર્ના અને ઝૂમ જેવી કંપનીઓના સીઈઓ તાજેતરમાં AI અવતાર દ્વારા earnings callમાં દેખાયા હતા.

8. માર્કેટિંગ અને સોશિયલ મીડિયા

બ્રાન્ડ્સ હવે સોશિયલ મીડિયા પોસ્ટ્સ, જાહેરાતો બનાવવા અને ગ્રાહક ડેટા ટ્રેકિંગ જેવા કાર્યો AI દ્વારા કરી રહ્યા છે. જે કાર્યો માટે પહેલા આખી ટીમની જરૂર પડતી હતી તે હવે AI દ્વારા ઝડપથી અને સસ્તામાં કરવામાં આવી રહ્યું છે.

નવી ટેકનોલોજી નવી તકો લાવે છે

જો કે આ બધું ડરામણું લાગે છે, પરંતુ નિષ્ણાતો માને છે કે દરેક ટેકનોલોજીકલ પરિવર્તન સાથે નવી નોકરીઓ આવે છે. ગોલ્ડમેન સેક્સનો રિપોર્ટ કહે છે કે મોટાભાગની નોકરીઓ સંપૂર્ણપણે AI દ્વારા બદલી શકાતી નથી. ઉપરાંત, MIT પ્રોફેસર ડેવિડ ઓટોરના મતે, આજની 60% નોકરીઓ 1940માં અસ્તિત્વમાં નહોતી. આનો અર્થ એ છે કે - નવી ટેકનોલોજીઓ પણ નવી તકો લાવે છે.