Diabetes: માત્ર વધુ પડતી મીઠાઈ ખાવાથી જ નથી થતું ડાયાબિટીસ, આ કારણોથી પણ થઈ શકે છે સુગર

Diabetes: જો તમને પણ લાગે છે કે વધુ પડતી ખાંડ વાળી વસ્તું ખાવાથી જ ડાયાબિટીસ થાય છે, તો તમારે આ ગેરસમજને જલદીથી દૂર કરવી જોઈએ.

Diabetes: ડાયાબિટીસના વધતા જતા કેસો ખરેખર ચિંતાનો વિષય છે. આ સાયલન્ટ કિલર રોગ માટે ઘણા પરિબળો જવાબદાર હોઈ શકે છે. એવું જરૂરી નથી કે જે લોકો વધુ પડતી મીઠાઈ ખાય છે તે જ ડાયાબિટીસ જેવી અસાધ્ય બીમારીનો શિકાર બને છે. આવો જાણીએ આવા જ કેટલાક કારણો વિશે, જે ડાયાબિટીસને આમંત્રણ આપી શકે છે.

જરૂર કરતા વધારે ટેન્સન લેવું

હેલ્થ એક્સપર્ટના મતે જે લોકો નાની-નાની બાબતોમાં વધુ પડતો સ્ટ્રેસ લે છે, તેમને ડાયાબિટીસ થવાની શક્યતા ઘણી હદ સુધી વધી શકે છે. જો તમારે આ રોગથી બચવું હોય, તો તમારે તણાવને નિયંત્રિત કરવાનું શીખવું પડશે. તમારી માહિતી માટે, તમને જણાવી દઈએ કે તણાવ મેનેજમેંટ માટે, તમે તમારી દિનચર્યામાં મેડિટેશનનો સમાવેશ કરી શકો છો. આ સિવાય તમારી ખરાબ જીવનશૈલી પણ ડાયાબિટીસનું કારણ બની શકે છે.

ફિજિકલ એક્ટિવિટી ન કરવી

જે લોકો જરાય પણ કસરત નથી કરતા તેમને પણ ડાયાબિટીસ થઈ શકે છે. દરરોજ કેટલીક શારીરિક પ્રવૃત્તિમાં નિયમિતપણે ભાગ લો. જો તમે જીમમાં જઈને વર્કઆઉટ નથી કરી શકતા તો યોગને તમારી દિનચર્યામાં સામેલ કરો. જો તમે ઇચ્છો તો, તમે દરરોજ ચાલીને તમારી જાતને ફિટ અને સ્વસ્થ બનાવી શકો છો.

આહાર પર ધ્યાન ન આપવું

મીઠી ખાદ્ય વસ્તુઓ ઉપરાંત, કેટલીક બિનઆરોગ્યપ્રદ ખાદ્ય વસ્તુઓ પણ ડાયાબિટીસનું જોખમ વધારી શકે છે. સફેદ બ્રેડ, તળેલો ખોરાક, પ્રોસેસ્ડ મીટ, બટાકાની ચિપ્સ જેવી ખાદ્ય વસ્તુઓ તમારા સ્વાસ્થ્ય માટે ખૂબ જ નુકસાનકારક સાબિત થઈ શકે છે. ડાયાબિટીસ જેવા સાયલન્ટ કિલર રોગથી બચવા માટે તમારે તમારા આહારને સ્વસ્થ અને સંતુલિત રાખવાનો પ્રયાસ કરવો જોઈએ.

(નોંધ: આ લેખ સામાન્ય માહિતી માટે છે, કોઈપણ ઉપાય કરતા પહેલા ડૉક્ટરની સલાહ લો)