Valentine Week - Kiss Day: હોઠો સે છૂ લો તુમ...ઔર ઈઝહાર-એ-ઈશ્ક કરદો...જાણો આટલાં પ્રકારની હોય છે Kiss

કિસ ડે (Kiss Day) વેલેન્ટાઈન્સ વીકનો સૌથી મહત્વનો અને રોમેન્ટિક દિવસ છે. આ દિવસે મનપસંદ વ્યક્તિને કિસ કરવા અને પ્રેમનો ઈઝહાર કરવા લોકો બેતાબ હોય છે. આમ તો પ્રિય પાત્રને ચૂમવા માટે કોઈ ખાસ અવસરની જરૂર નથી પરંતુ વેલેન્ટાઈન્સ વીકનો આ દિવસ ખાસ છે.

ઝી બ્યૂરો, અમદાવાદઃ વેલેન્ટાઈન્સ ડેનો ખુમાર ચરમસીમા પર છે. વેલેન્ટાઈન્સ ડેને માત્ર એક જ દિવસની વાર છે અને મોકો છે કિસ ડે(Kiss Day)નો. પ્રિયપાત્રને ચોકલેટ આપી દીધી, ટેડી આપી દીધું, વાયદાઓ પણ કરી દીધા. હવે સમય છે આ સંબંધ પર કિસ કરીને અંતિમ મહોર મારવાનો. કોઈપણ ઈચ્છે છે કે આ કિસ પરફેક્ટ હોય. અને એટલે જ અમે તમારી માટે લાવ્યા છે આ ખાસ માહિતી. જાણી લો સાથી કે પ્રિય પાત્રને પ્રેમનો ઈઝહાર કરવા માટે કેવી કિસ કરવી જોઈએ અને કિસના કેટલા પ્રકાર છે.

ફ્રેંચ કિસ
ફ્રેંચ કિસ ઈન્ટિમસીનું પ્રતિક છે. આકર્ષણ અને ગાઢ સંબંધો દર્શાવવા માટે ફ્રેંચ કિસ કરવામાં આવે છે. જેમાં પ્રેમની સાથે સાથે આકર્ષણનું તત્વ પણ ઉમેરાય છે.

હોઠ પર કિસ
આપ તેને રિઝર્વ કિસ પણ કહી શકો છો. આ કિસ તમારા પાર્ટનરને કરવામાં આવે છે.

ગાલ પર કિસ 
જ્યારે કોઈને કોઈના પર ક્રશ હોય છે ત્યારે તે ગાલ પર કિસ કરે છે. જો કોઈ તમને ગાલ પર કિસ કરે તો, તેનો સીધો મતલબ છે કે તે તમને ક્યૂટ સમજે છે. જેનો ઈઝહાર તેઓ ગાલ પર કિસ કરીને કરી રહ્યા છે.

કપાળ પર કિસ
કોઈ તમારા કપાળ પર કિસ કરે તો એ સમજવું કે એ વ્યક્તિ તમને ખાસ માને છે. આનો સીધો મતલબ એ પણ છે કે, સામેનો વ્યક્તિ ન માત્ર તમને ચાહે છે પરંતુ તમારી ઈજ્જત પણ કરે છે. એનાથી સાફ સંકેતો મળે છે કે, સામેનું વ્યક્તિ તમારી સાથે સંબંધની શરૂઆત કરવા ઈચ્છે છે અને તેને પસંદ કરવા તરફ વધી રહ્યા છે.

હાથ પર કિસ
હાથો પર કિસ કરવાનો ખાસ મતલબ હોય છે. જેનો અર્થ એ થાય છે કે સામેનો વ્યક્તિ તમારી તરફ આકર્ષિત થયો છે અને તમને ડેટ કરવા માંગે છે. સાથે જ તમારી સાથેના સંબંધોને ગાઢ કરવા માંગે છે. અને વાર બુઝુર્ગોને કે પછી વડીલને સન્માનના રૂપે પણ હાથ પર કિસ કરવા માંગે છે.

આ તો થયા કિસના પ્રકાર. પરંતુ કિસ કરતા પહેલા કેટલીક ટિપ્સ પણ જાણી લો.

1. સાથી કે પ્રિયપાત્ર સાથેના તમારા સંબંધ અનુસાર કિસના પ્રકારની પસંદગી કરો.

2. કિસ કરતા સમયે સાથીની ભાવનાઓનું ધ્યાન રાખો.

3. કિસ કરતા સમયે માહૌલ બને તો હળવો અને રોમેન્ટિક રાખો.

4. શરૂઆતી કિસ શાલીન હોવાની જોઈએ. ધીમે-ધીમે આગળ વધો.

5. કિસ કરતા પહેલા માઉથ ફ્રેશનરનો ઉપયોગ કરો.