નવી દિલ્લીઃ જ્યારે મેકઅપની વાત આવે છે તો તેમાં અનેક પ્રોડક્ટ્સના નામ આવે છે. આ પ્રોડક્ટ્સમાં નેઈલ પેઈન્ટ કે નેઈલ પોલિશ પણ ઘણી મહત્વની છે. અવારનવાર મોંઘી લિપસ્ટિકનો ઉલ્લેખ હોય છે. પરંતુ અનેક નેઈલ પોલિશ એવી પણ છે જેમને ખરીદવા માટે એટલા પૈસા જોઈએ કે તમે લક્ઝરી ગાડી કે ફ્લેટ પણ લઈ શકો છો. જી,હા દુનિયામાં એક એવી નેઈલ પોલિશ પણ છે. જેને ખરીદવા માટે પૈસાદાર હોવું જરૂરી છે. તો આજે અમે તમને બતાવીશું કે આ નેઈલ પેઈન્ટ કેવી છે અને તે કેમ મોંઘી છે.
નખને આપે છે વધુ ખૂબસૂરતી:
લોસ એન્જેલસ ડિઝાઈનર Azature Pogosianએ એક ખાસ નેઈલ પેઈન્ટ તૈયાર કરી છે. જેનો કલર બ્લેક છે અને તે નખની ખૂબસૂરતીને લક્ઝરી સ્ટાઈલમાં વધારે આપે છે.
કેટલી કિંમત છે નેઈલ પોલિશની:
હવે વાત કરીએ તેની કિંમતની. તેની કિંમત લગભગ 2,50,000 ડોલર છે એટલે કે ભારતીય બજારમાં તેની કિંમત 1 કરોડ 90 લાખ છે. હવે વિચારી લો જ્યારે 2 કરોડ રૂપિયાની આ નેઈલ પોલિશને લગાવવી કેટલી મોંઘી પડી શકે છે.
કેમ આટલી મોંઘી છે નેઈલ પોલિશ:
હવે તમારા મનમાં સવાલ થતો હશે કે આખરે તે કેમ આટલી મોંઘી છે?. તો તેનો જવાબ છે એક લક્ઝરી જ્વેલરી ડિઝાઈનરે તેને તૈયાર કરી છે. અને તેમાં 267 કેરેટના બ્લેક ડાયમંડસ છે. બ્લેક ડાયમંડસનો ઉપયોગ થવાના કારણે તેની કિંમત આટલી વધારે છે. Azature ઉપરાંત બજારમાં અનેક મોંધી નેઈલ પોલિશ છે. જે પ્લેટિનમ પાઉડરથી બનવાના કારણે જાણીતી છે. તેના સિવાય અનેક નેઈલ પેઈન્ટ પોતાની બોટલના કારણે ખાસ ચર્ચામાં રહે છે.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે
Newsletter
