Punishment for Marijuana: એક ચપટી ગાંજો રાખવાની કે ખરીદવાની સજા જાણો છો તમે? જાણી લો કાયદો

Marijuana Processing Punishment: કોઈપણ સ્વરૂપમાં ગાંજો રાખવો એ કાનૂની ગુનો છે, જો તમે તેનું સેવન કરતા હોવ તો પણ તમે જેલમાં જઈ શકો છો. તમે તેને ઓછી માત્રામાં પણ રાખી શકતા નથી.

Marijuana Punishment in India: કેનાબીસ એટલે કે ગાંજાને સંબંધિત ઘણા પ્રકારના સમાચાર સાંભળ્યા અને વાંચ્યા જ હશે. તેના પર પ્રતિબંધ અને સજાની જોગવાઈ હોવા છતાં, ભારતમાં તેનો મોટાપાયે ઉપયોગ થાય છે. ગાંજા પીતા લોકોને ઘણી વાર લાગે છે કે જો તેમની પાસે એક ચપટી ગાંજો હોય તો તેમને સજા ન થઈ શકે. આ જ કારણ છે કે કેટલાક લોકો ખુલ્લેઆમ ગાંજાનું સેવન કરે છે. આજે અમે તમને આ સાથે જોડાયેલા કેટલાક નિયમો જણાવવા જઈ રહ્યા છીએ, જેના પછી તમે આ કરતા પહેલા 10 વાર ચોક્કસથી વિચારશો.

ગાંજો રાખશો તો થશે જેલ
જોકે ગાંજાની ખેતી કરવી, તેને રાખવું, તેનું વેચાણ કરવું અને તેનું સેવન કરવું એ ગુનાની શ્રેણીમાં આવે છે. જો તમે આમાંથી કોઈ કરો છો તો તમારે જેલમાં જવું પડી શકે છે. આવા કિસ્સાઓમાં નાર્કોટિક ડ્રગ્સ એન્ડ સાયકોટ્રોપિક સબસ્ટન્સ એક્ટ (NDPS) હેઠળ કાર્યવાહી કરવામાં આવે છે. જેમાં અલગ-અલગ ગુના માટે અલગ-અલગ સજાની જોગવાઈ છે.

ઓછી માત્રામાં રાખવા માટે પણ સજા
હવે વાત કરીએ ગાંજો રાખવા બદલ કેટલી સજા થઈ શકે છે. જો તમે 20 કિલો ગાંજો રાખ્યો છે, તો એવું માનવામાં આવશે કે તમે તેનો વ્યવસાયિક ઉપયોગ કરી રહ્યા છો, આ માટે તમારે 10 વર્ષ સુધીની જેલ અને 1 લાખ રૂપિયાનો દંડ ભરવો પડી શકે છે. ઓછી માત્રામાં ગાંજા સાથે મળી આવનાર વ્યક્તિને 6 મહિનાથી લઈને એક વર્ષ સુધીની જેલની સજા થઈ શકે છે. સાથે જ 10,000 રૂપિયા સુધીનો દંડ પણ થઈ શકે છે. આવા કેસમાં જામીન પણ સરળતાથી મળતા નથી.

થોડા મહિના પહેલા એવા પણ સમાચાર આવ્યા હતા કે કોમેડિયન ભારતી સિંહ અને તેના પતિ હર્ષના ઘરે ગાંજો મળ્યો હતો, અહીં ગાંજાની માત્રા 100 ગ્રામથી ઓછી હતી. તેમ છતાં ભારતી સિંહની ધરપકડ કરવામાં આવી હતી. આ કાર્યવાહી નાર્કોટિક્સ કંટ્રોલ બ્યુરો (NCB) દ્વારા કરવામાં આવી છે. એવામાં, જો તમારો કોઈ મિત્ર ગાંજો રાખે છે અથવા તેનું સેવન કરે છે, તો તેને સાવચેત કરો.