)
Tanning Removal Tips: તડકામાં ફક્ત 10 મિનિટ પણ નીકળવાનું થાય તો પણ ત્વચા પર તડકાની અસર તુરંત દેખાવા લાગે છે. કાળઝાળ ગરમીમાં તડકાના કારણે સ્કીન બેજાન અને કાળી થઈ જાય છે. તડકાની અસર ફક્ત ચહેરા પર નહીં પરંતુ ગરદન, હાથ અને પગ પર પણ જોવા મળે છે. તડકાના કારણે ત્વચા ઉપર કાળો મેલ દેખાવા લાગે છે. જેને ટેનિંગ કહેવાય છે. સ્કિન ટેનિંગ દૂર કરવા માટે આજે તમને એક અસરકારક ઘરેલુ ઉપાય જણાવીએ.
આ પણ વાંચો: 3 નેચરલ વસ્તુથી બનાવો નેચરલ હેર કલર, માથામાં લગાડતાં જ સફેદ વાળ મૂળમાંથી કાળા થઈ જશે
ઉનાળામાં થતી ટેનિંગની સમસ્યાને દૂર કરવામાં ટમેટું ખૂબ જ ઉપયોગી સાબિત થાય છે. ટમેટાના ઉપયોગથી સ્કિન પરની ટેનિંગ તુરંત દૂર થાય છે. ત્વચાની સુંદરતા વધારવા માટે ટમેટાનો ઉપયોગ કરવો હોય તો ટમેટાની સાથે મધ અને ચણાના લોટની જરૂર પણ પડશે. આ ત્રણેય વસ્તુ એવી છે જે દરેક ઘરમાં ઉપલબ્ધ હોય. આ ત્રણ વસ્તુનું મિશ્રણ ચહેરા, હાથ, પગ અને ગરદન પરનું ટેનિંગ દૂર કરી દેશે.
આ પણ વાંચો: પોરબંદરની એકદમ નજીક આવેલો છે આ સુંદર દરિયોકિનારો, વિદેશથી લોકો આવે છે અહીં ફરવા
ટમેટાના બે ટુકડા કરી લો. હવે ટમેટાના એક ટુકડા ઉપર મધ અને ચણાનો લોટ રાખીને ટમેટાથી ચહેરા પર અને ગરદન પર હળવા હાથે મસાજ કરવાનું શરૂ કરો. પાંચ મિનિટ ટમેટાથી ચહેરા પર મસાજ કરો અને પછી દસ મિનિટ સુધી આ મિશ્રણને ચહેરા પર રહેવા દો. ત્યાર પછી હુંફાળા પાણીથી ચહેરો સાફ કરી લો. સપ્તાહમાં બેથી ત્રણ વખત ટમેટાનો આ રીતે ઉપયોગ કરશો એટલે ટેનિંગ દૂર થવા લાગશે.
આ પણ વાંચો: Anti Aging Tips: 40 વર્ષ પણ 24 જેવા દેખાવું હોય તો પાણી પીવાના આ 4 નિયમ યાદ કરી લો
જો આ કામ મુશ્કેલ લાગતું હોય તો ટમેટાની પેસ્ટ બનાવીને તેમાં ચણાનો લોટ અને મધ મિક્સ કરીને તેનો ફેસપેક બનાવીને પણ ચહેરા પર લગાડી શકાય છે. ફેસપેકને 10 થી 15 મિનિટ સ્કીન પર લગાવો અને પછી ચહેરો સાફ કરી લો. ટમેટું, મધ અને ચણાનો લોટ સ્ક્રીન પરનું ટેનિંગ દૂર કરવાની સાથે ચહેરા પર ગ્લો પણ વધારશે.
(Disclaimer: અહીં આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ZEE 24 કલાક તેની પુષ્ટિ કરતું નથી.)
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે
Newsletter
