Rules Change From 1st October: નવા મહિનાની શરૂઆતની સાથે શેર બજારમાં ટ્રેડિંગ સાથે જોડાયેલા ઘણા નિયમો બદલાી જશે. આ ફેરફાર સીધો તમને અસર કરશે. જો તમે શેર બજારમાં ટ્રેડિંગ કે રોકાણ કરો છો તો તમારે આ ફેરફારો વિશે જાણવું જરૂરી છે.
)
1 ઓક્ટોબર 2024થી ફ્યૂચર્સ એન્ડ ઓપ્શન્સ (F&O) પર નવા સિક્યોરિટીઝ ટ્રાન્ઝેક્શન ટેક્સ એટલે કે STT ના દરો લાગૂ થશે. ઓપ્શનના વેચાણ પર STT 0.0625% થી વધી 0.1% થશે. ફ્યૂચરના વેચાણ પર STT 0.0125% થી વધી 0.02% થશે.
)
બાયબેક પર ટેક્સના નવા નિયમો પહેલી ઓક્ટોબરથી લાગુ થશે. શેરધારકોને બાયબેકમાં ટેન્ડર કરાયેલા શેર પર ટેક્સ લાગશે.
)
એક ઓક્ટોબરથી બોનસ શેર ક્રેડિટ પર નવો નિયમ લાગૂ થશે. બોનસ શેર જલ્દી ક્રેડિટ થશે અને તેમાં ટ્રેડિંગ શરૂ થશે. રેકોર્ડ ડેટના 2 દિવસ બાદ બોનસ શેરમાં ટ્રેડિંગ શરૂ થઈ જશે. બોનસ શેર ક્રેડિટ પર નવો નિયમ 1 ઓક્ટોબરથી લાગૂ થશે.
)
આગામી મહિનાની શરૂઆતથી ઈનિશિયલ પબ્લિક ઓફરિંગ (IPO)અને બીજા પબ્લિક ઈશ્યૂ લાવનારી કંપનીઓની મહત્વની જાણકારી ઓડિયો વિઝ્યુલમાં જરૂરી હશે. 10 મિનિટનો ઓડિયો વીડિયો, ડિજિટલ, સોશિયલ મીડિયા પર આપવો પડશે.
)
તો 1 ઓક્ટોબર 2024થી ફ્લોટિંગ રેટ બોન્ડ (Floating Rate Bonds) સહિત સ્પેસિફાઇડ કેન્દ્ર અને રાજ્ય સરકારના બોન્ડ પર 10 ટકા ટીડીએસ કપાશે.
)
દેશના મુખ્ય સ્ટોક એક્સચેન્જો BSE એ રોકડ અને F&O ડીલ્સ માટે તેમના ટ્રાન્ઝેક્શન ચાર્જિસમાં ફેરફાર કર્યા છે. BSE એ ઇક્વિટી F&O સેગમેન્ટમાં સેન્સેક્સ અને બેન્કેક્સ ઓપ્શન્સ કોન્ટ્રાક્ટ્સ માટેના ટ્રાન્ઝેક્શન ટેક્સમાં સુધારો કરીને રૂ. 3,250 પ્રતિ કરોડ પ્રીમિયમ ટ્રેડેડ કર્યો છે. જ્યારે સેન્સેક્સ ફિફ્ટી અને સ્ટોક ઓપ્શન્સમાં ટ્રાન્ઝેક્શન ચાર્જ પ્રત્યેક રૂ. 1 કરોડના પ્રીમિયમ ટર્નઓવર મૂલ્ય માટે રૂ. 500 છે.
)
તે જ સમયે, NSEએ 1 ઓક્ટોબરથી વિવિધ સેગમેન્ટ્સ માટે ટ્રાન્ઝેક્શન ચાર્જમાં પણ ફેરફાર કર્યો છે. રોકડમાં રૂ. 1 લાખના વેપાર મૂલ્ય પર, રૂ. 1 લાખના દરેક વેપાર મૂલ્ય માટે બંને બાજુથી રૂ. 2.97નો ચાર્જ વસૂલવામાં આવશે. આ ઉપરાંત, ઇક્વિટી ફ્યુચર્સમાં રૂ. 1 લાખના વેપાર મૂલ્ય પર, બંને બાજુએ પ્રતિ લાખ વેપાર મૂલ્ય દીઠ રૂ. 1.73 ચાર્જ થશે. જ્યારે ઇક્વિટી વિકલ્પોમાં 1 લાખ રૂપિયાના પ્રીમિયમ મૂલ્ય પર પ્રતિ લાખ રૂપિયા 35.03નો ચાર્જ વસૂલવામાં આવશે. આ સાથે, કરન્સી ફ્યુચર્સ પર રૂ. 1 લાખના વેપાર મૂલ્ય પર બંને બાજુથી 0.35 રૂપિયાનો ચાર્જ વસૂલવામાં આવશે.
Newsletter
