ગુજરાતમાં આ આગાહીને હળવાશથી લેવા જેવી નથી! અંબાલાલે વિસ્તારોના નામ અને તારીખ સાથે આપી ચેતવણી

આગામી સાત દિવસ રાજ્યમાં ભારે વરસાદની શક્યતા છે. આગામી ત્રણ દિવસ ઉત્તર, મધ્ય અને દક્ષિણ ગુજરાતમાં ભારે વરસાદની શક્યતા છે. ત્યારે અંબાલાલ પટેલની આગાહી શું કહે છે તે જોઈએ. અંબાલાલ પટેલે જણાવ્યું હતું કે કેટલાક વિસ્તારોમાં 8-10 ઇંચ વરસાદ પડી શકે છે. અંબાલાલ પટેલે જણાવ્યું છે કે હાલનો વરસાદ પાક માટે સારો નથી. વરાપ લેવા માટે હાલ યોગ્ય સમય નથી.

હવામાન વિભાગે આગાહી કરી છે કે આગામી 5 દિવસ ભારે વરસાદની આગાહી છે. ઉત્તર મધ્ય અને દક્ષિણ ગુજરાતમાં ગાજવીજ સાથે વરસાદ વરસ્યો છે. સૌરાષ્ટ્ર-કચ્છમાં આગામી 48 કલાક અતિ ભારે વરસાદની શક્યતા દર્શાવી છે. સૌરાષ્ટ્ર અને કચ્છમાં આજે ઓરેન્જ અલર્ટ અપાયું છે.   

હાલમાં 3 સિસ્ટમ સક્રિય થતાં ભારે વરસાદ થવાની આગાહી કરાઈ છે. આગામી 5 દિવસ માછીમારોને દરિયો ન ખેડવાની સૂચના અપાઈ છે. 45થી 55 કિ.મી.ની ઝડપે પવન ફૂંકાશે. અમદાવાદ અને ગાંધીનગર ગાજવીજ સાથે હળવાથી મધ્યમ વરસાદની શકયતા છે. રાજ્યનું સરેરાશ તાપમાન 32 ડિગ્રી આસપાસ રહેવાની શક્યતા છે.  

અંબાલાલ પટેલે કહ્યું કે, અમદાવાદ ગાંધીનગરમાં આજે વરસાદની સંભાવના છે. મધ્ય ગુજરાતના કેટલાક ભાગોમાં ભારે વરસાદની સંભાવના છે. તો દક્ષિણ ગુજરાત અને દક્ષિણ સૌરાષ્ટ્રમાં પણ ભારે વરસાદની સંભાવના છે. તેમણે કહ્યું કે, 24 જુલાઈ થી 30 જુલાઈ દરમિયાન પણ રાજ્યના ઘણા ભાગોમાં વરસાદ આવશે. 

2 થી 8 ઓગસ્ટ દક્ષિણ ગુજરાતમાં ભારે વરસાદ પડશે. તાપી નદી અને નર્મદા બે કાંઠે થવાની આગાહી છે. જેથી દક્ષિણ ગુજરાત અને સુરતના ભાગોમાં આજે ભારેથી અતિભારે વરસાદ થતાં જનધનને ધ્યાન રાખવું પડશે. પાણી ઘરમાં ઘૂસે તેવી સ્થિતિ પરિણમશે. ગુજરાતની નદીઓમાં પૂરની શક્યતા રહી શકે છે. તેથી નીચાણવાળા વિસ્તારોમાં રહેતા લોકોએ ધ્યાન રાખવા અપીલ છે.   

આગામી 7 દિવસ અતિ ભારે વરસાદની આગાહી છે. હવામાન વિભાગના વૈજ્ઞાનિક રામાશ્રય યાદવે કહ્યું કે, હાલમાં વાતાવરણમાં 3 સિસ્ટમ સક્રિય થતા વરસાદની સંભાવના છે. ઉત્તર મધ્ય અને દક્ષિણ ગુજરાતમાં આગામી 3 દિવસ અત્યંત ભારે વરસાદ છે. સૌરાષ્ટ્ર-કચ્છમાં આગામી 48 કલાક અત્યંત ભારે વરસાદની સંભાવના છે. તેથી આગામી 5 દિવસ માછીમારોને દરિયો ન ખેડવા ચેતવણી આપી છે. દરિયાકાંઠે 40 થી 50 કિ.મીની ઝડપે પવન ફૂંકાઈ શકે છે.