સચોટ આગાહી કરનાર અંબાલાલની ઘાતક આગાહી; 10 મેથી અરબ દેશ તરફથી આવી શકે છે વાવાઝોડું

આ વખતે માર્ચ એપ્રિલ માસમાં વેસ્ટર્ન ડિસ્ટબન આવતા રહેશે. 4 માર્ચથી દિવસના ભાગમાં ગરમીનો અહેસાસ થશે. 7 માર્ચ સુધીમાં ઉત્તર ગુજરાતના ભાગોમા મહત્તમ  તાપમાન 36 ડિ.ગ્રીની આસપાસ રહેશે. કચ્છના ભાગોમાં મહત્તમ  તાપમાન 32 ડીગ્રી આસપાસ રહેશે. ઉત્તર-સૌરાષ્ટ્રના ભાગોમાં પણ મહત્તમ  તાપમાન 34 ડિગ્રી આસપાસ રહેશે. પશ્ચિમ સૌરાષ્ટ્રમાં મહત્તમ તાપમાન 30 ડિગ્રી રહેશે. જૂનાગઢ ભાગોમાં પણ 36 ડિગ્રી મહત્તમ  તાપમાન રહેશે. વલસાડના ભાગોમાં મહત્તમ  તાપમાન 36 ડિગ્રી તાપમાન રહેવાની શક્યતાઓ રહેલી છે. 

ગુજરાતમાં 7 માર્ચથી મહત્વ તાપમાન વધવાની શકયતાઓ છે. જેમાં દક્ષિણ ગુજરાતના ભાગોમાં મહત્વ તાપમાન 41થી 42 ડિગ્રી થઈ શકે છે. આ ઉપરાંત જૂનાગઢ નું મહ્ત્વમ તાપમાન 39 ડીગ્રી થઈ શકે છે. ઉત્તર ગુજરાતમાં મહત્તમ તાપમાન 40 ડિગ્રી રહેશે. પૂર્વ ગુજરાતમાં ગરમીનો પારો વધી શકે છે. કચ્છના ભાગોમાં 40 ડિગ્રી સુધી પારો જોવા મળશે. પંચમહાલમાં ગરમીનો પારો વધશે. હવે રાજ્યમાં ધીમા પગલે ઉનાળાની શરૂઆત થશે. માર્ચ મહિનામાં એક પછી એક પશ્ચિમી વિક્ષેપ આવ્યા કરશે. 

4 થી 10 માર્ચમાં એક પશ્ચિમી વિક્ષેપ આવશે. જેથી મહત્તમ તાપમાન વધ-ઘટ રહેશે. 23 માર્ચથી ગરમી વધશે. આ વખતે માર્ચ માસથી રાજ્યના કેટલાક ભાગોમાં લૂ લાગવાની શકયતાઓ રહેશે. 26 એપ્રિલથી આકરી ગરમી પડશે. મહત્તમ તાપમાન 45 ડિગ્રી સુધી કેટલાક રાજ્યોમાં જોવા મળશે. બંગાળ ઉપસાગરમાં વાવાઝોડું બનવાની શકયતાઓ જોવા મળી રહી છે. રાજ્યમાં 10 મેથી આકરી ગરમી પડશે. 10 મે થી આંધી-વંટોળ વધે અને અરબ દેશ તરફથી આંધી આવી શકે છે.

અમદાવાદમાં હવામાન વિભાગ દ્વારા પણ એક આગાહી કરવામાં આવી છે. ઉત્તર પશ્ચિમના પવન ફૂંકાઈ રહ્યા છે. આગામી 48 કલાકમાં 2 થી 3 ડિગ્રી તાપમાન ઘટશે. આજથી ઉનાળાની શરુઆત થઈ ચૂકી છે. ઉનાળાને લઈ હવામાન વિભાગનું પૂર્વાનુમાન. ઉનાળામાં મહતમ અને લઘુતમ તાપમાન સામાન્ય કરતા ઊંચું રહેશે. હિટવેવના દિવસોમાં પણ વધારો થશે. 

ગુજરાતમાં સામાન્ય રીતે ઉનાળાની શરૂઆત મહાશિવરાત્રિના તહેવારથી થાય છે. દિલ્હીમાં આજે સવારે ભારેથી અતિભારે વરસાદ વરસ્યો છે. જેના કારણે હવામાન બદલાયું હતું અને ઠંડીમાં વધારો થયો હતો. જ્યારે, જમ્મુ કાશ્મીર, ઉત્તરાખંડ અને હિમાચલ પ્રદેશમાં હિમવર્ષાના કારણે સ્થિતિ ખરાબ છે. ચંદીગઢથી દિલ્હી સુધી છેલ્લા 8 દિવસથી વરસાદ ચાલુ છે. આજે માર્ચના પ્રથમ દિવસે ભારે વરસાદ પડ્યો હતો. જમ્મુ કાશ્મીર, ઉત્તરાખંડ અને હિમાચલ પ્રદેશના પહાડી વિસ્તારોમાં સતત હિમવર્ષાના કારણે ઘણા રસ્તાઓ બંધ થઈ ગયા છે.

રસ્તાઓ પર બરફ છે, જેના કારણે જનજીવન અસ્તવ્યસ્ત થઈ ગયું છે. ઉત્તરાખંડના ચમોલીમાં ભારે હિમવર્ષાના કારણે ભૂસ્ખલન થયું હતું. હવામાન વિભાગે શનિવારે પણ દિવસભર ભારે હિમવર્ષાની ચેતવણી જાહેર કરવામાં આવી હતી. હવામાન વિભાગે આજે અને આવતીકાલે પણ આવુ જ રહેવાની આગાહી કરી છે. નવી પશ્ચિમી વિક્ષેપ 2 માર્ચથી ઉત્તરપશ્ચિમ ભારતને અસર કરે તેવી ધારણા છે. ચાલો જાણીએ કે દિલ્હી-NCR સહિત સમગ્ર દેશમાં કેવું રહેશે હવામાન?

હવામાન વિભાગના જણાવ્યા અનુસાર, સમુદ્ર સપાટીથી 3.1 કિમી ઉપર વેસ્ટર્ન ડિસ્ટર્બન્સ સક્રિય છે. જેના કારણે પશ્ચિમ રાજસ્થાન અને પાકિસ્તાનના આસપાસના ભાગોમાં ચક્રવાતી તોફાન સાથે નીચા દબાણનો વિસ્તાર બન્યો છે. જેના કારણે અરબી સમુદ્રમાંથી ઉછળતા ભેજના ઊંચા મોંજા વાદળો બનીને ઉત્તર-પશ્ચિમ ભારતમાં વરસાદ વરસી રહ્યા છે. આવી સ્થિતિમાં પશ્ચિમ હિમાલય વિસ્તારમાં 40 થી 50 કિમી પ્રતિ કલાકની ઝડપે પવન ફૂંકાવાની સંભાવના છે. વાવાઝોડા અને વીજળીના ચમકારા સાથે હળવાથી મધ્યમ વરસાદ/હિમવર્ષા થશે. હિમાચલ પ્રદેશ અને ઉત્તરાખંડમાં અલગ-અલગ સ્થળોએ ભારેથી અતિ ભારે વરસાદ/હિમવર્ષા થવાની સંભાવના છે.