અરુણાચલ પ્રદેશના મુખ્યમંત્રી પેમા ખાંડુની તસવીરો હાલ સોશિયલ મીડિયામાં વાયરલ થઈ રહી છે. પ્રદેશના મિયાઓથી વિજયનગર સુધીની મુસાફરીની આ તસવીરો ખાંડુએ પોતે સોશિયલ મીડિયા પર શેર કરી છે. આ તસવીરોમાં તેઓ પોતે ગાડી ચલાવતા જોવા મળી રહ્યા છે. હાલ અરુણાચલ પ્રદેશમાં ભાજપનું શાસન છે.
)
પેમા ખાંડુ વિજયનગરમાં રહેતા યોબિન જનજાતિના લોકોને મળવા માટે ગયા હતા અને આ સફરમાં તેમણે અનેક મુશ્કેલીઓનો સહન કરીને ગાડી ચલાવી. આ ઉપરાંત તેઓ સુરક્ષાકર્મીઓ સાથે કિચડમાંથી પોતાની ગાડી કાઢતા પણ જોવા મળ્યા.
)
પેમા ખાંડુએ આ મુસાફરીની એક તસવીર અને વીડિયો ટ્વીટ કરતા કહ્યું છે કે 'મિયાઓથી વિજયનગર સુધીની 157 કિમીની ગાડી અને પગપાળા મુસાફરી એક યાદગાર સફર રહી. દેબનથી 25 માર્ચના રોજ સવારે 5 વાગે શરૂ થયેલી મુસાફરી બીજા દિવસે રાત્રિ વિશ્રામ માટે ગાંધીગ્રામ (137 કિમી) પહોંચી અને ત્યારબાદ અમે આગામી દિવસે વિજયનગર માટે રવાના થયા.'
)
ખાંડુ જે વિજયનગરની મુલાકાત ગયા હતા ત્યાં જવા માટે હાલ મુસાફરી માટે કોઈ સાધન નથી. વાહનોની અવરજવર માટે રસ્તો ન હોવાના કારણે લોકોએ પરેશાની ભોગવવી પડે છે. આવામાં લોકોની સમસ્યાઓ જાણવા માટે સીએમ પોતે ત્યાં પહોંચ્યા. સીએમએ વચન આપ્યું કે જલદી આ રસ્તે અવરજવર માટે સારો રસ્તો બનાવવામાં આવશે. જેથી કરીને લોકોને ખુબ લાભ મળશે.
)
ખાસ વાત એ છે કે જે વિજયનગરની યાત્રા વિશે સીએમ વાત કરી રહ્યા હતાં ત્યાં પહોંચવા માટે તેમણે પોતે આ તમામ મુશ્કેલીઓનો સામનો કરવો પડ્યો.
)
સીએમ ખાંડુ એક સ્થળે પોતે કારનું સ્ટિયરિંગ પકડીને ખાડામાંથી વાહનને કાઢતા જોવા મળ્યા. આ ઉપરાંત તેમણે સુરક્ષાકર્મીઓ સાથે કિચડમાં ફસાયેલી ગાડી કાઢવા માટે તેને ધક્કો પણ માર્યો.
Newsletter
